← Back to list

ரசிகர்களின் ஆதரவுக்கு நன்றி - Datuk Nicol!

Jan 20, 2021

உலக வரலாற்றில் தலைச் சிறந்த விளையாட்டாளர் என்ற விருதை வெல்ல வேண்டும் என்ற இலக்கு எதனையும் வைக்கவில்லை!

உலக நாடுகளிலுள்ள தலைசிறந்த விளையாட்டாளர்களுடன் தமது பெயர் அவ்விருதுக்கு முன்மொழியப்பட்டிருப்பதே தமக்குப் பெருமையைக் கொடுத்திருப்பதாக, தேசிய Squash தாரகை Datuk Nicol Ann David கூறுயுள்ளார்.

அவ்விருதுக்காகத் தம்முடன் முன்மொழியப்பட்ட மேலும் 23 விளையாட்டாளர்களிடமிருந்து கடும் போட்டி நிலவக்கூடும் என்பதை தாம் நன்கறிவதாக அவர் சொன்னார்.

குறிப்பாக ரஷ்யாவின் Sumo மல்யுத்த வீரர் Batyr Altyev, Mexicoவைச் சேர்ந்த Racquetball நட்சத்திரம் Paola Longoria உள்ளிட்டோர் உலக அரங்கில் மிகப்பெரிய ரசிகர் பட்டாளத்தைக் கொண்டிருக்கின்றனர் என்றாரவர்.

என்றாலும், தன்னடக்கம் மிகுந்த நமது தங்கத் தாரகை அந்த விருதுக்கான பட்டியலில் ஒரு லட்சத்து 90 ஆயிரம் வாக்குகளுடன் முதலிடம் வகிக்கின்றார் என்பது உங்களுக்குத் தெரியுமா? 

ஆம் உலக மக்களின் அபிமானத்தைப் பெற்றுள்ள Datuk Nicol 2 லட்சம் வாக்குகள்  பெறுவதற்கு இன்னும் ஆயிரத்து 200 வாக்குகளே குறைவாக வைத்திருக்கின்றார்.

இது குறித்து சற்றும் அலட்டிக் கொள்ளாத அவர், கடைசி நிமிடத்தில் என்ன வேண்டுமானாலும் நடக்கலாம் என்றும், இதுநாள் வரையில் தமக்கு ஆதரவு வழங்கி வந்த தனது குடும்பத்தாருக்கும் நண்பர்களுக்கும் நன்றி என்றும் தெரிவித்தார்.

இன்றளவும் மக்களிடமிருந்து தமக்குக் கிடைத்து வரும் அன்பு அளப்பரியது என தெரிவித்த அவர், தம்மீது நம்பிக்கை வைத்து முழு ஆதரவு வழங்கி வரும் Squash ரசிகர்களுக்கு நன்றி தெரிவித்தார்.

நீங்களும் Datuk Nicol David-டுக்கு வாக்களிக்க வேண்டுமா? கீழுள்ள இணைப்பை சொடுக்குங்கள் :

www.theworldgames.org/awards/The-World-Games-Greatest-Athlete-of-All-Time-81