← Back to list

பொருளாதார மறுமலர்ச்சித் திட்டம்!

Jun 05, 2020

நாட்டின் புதிய பொருளாதார மறுமலர்ச்சி திட்டத்திற்காக அரசாங்கம் 35 பில்லியன் ரிங்கிட்டை ஒதுக்கியுள்ளது!

அத்திட்டத்தின் கீழ் Covid-19னால் பாதிக்கப்பட்ட பல்வேறு தரப்புகளின் சுமையைக் குறைக்க முடியும் என தாம் நம்புவதாக பிரதமர் Tan Sri Muhyiddin Yassin கூறியுள்ளார்.

அதிலொன்றுதான் அதிகமானோர் வீட்டிலிருந்தே வேலை செய்வதை ஊக்குவிக்கும் வகையிலான incentive தொகை.

இதனிடையே கிள்ளான் பள்ளத்தாக்கிலுள்ள பொது போக்குவரத்து பயனீட்டாளர்களின் சுமையைக் குறைக்கும் நோக்கில் அவர்களுக்கு My30 திட்டத்தின் கீழ் மாதத்திற்கு 30 ரிங்கிட் மட்டுமே விதிக்கப்படும்.

அதோடு சமூக நல்வாழ்வுத் துறையின் கீழ் தகுதி பெற்ற மூன்று லட்சத்துக்கும் அதிகமான தனித்து வாழும் தாய்மார்களுக்கும், மாற்றுத் திறனாளிகளுக்கும் 300 ரிங்கிட் வழங்கப்படும்.

மேல் விவரங்களுக்கு astroawani.com

_________

12 நாட்களுக்குப் பிறகு இன்று நாட்டில் Covid-19னால் மேலும் ஓர் உயிர் பலியாகியிருக்கின்றது!

தற்போது மொத்த பலி எண்ணிக்கை 116ஆக உயர்ந்துள்ளது.

19 புதிய சம்பவங்கள் பதிவாகியுள்ள வேளை, 51 பேர் பூரண குணமடைந்து வீடு திரும்ப அனுமதிக்கப்பட்டுள்ளனர்.

_________

அடுத்த ஒரு வாரத்திற்கு புதிய எரிபொருள் விலை அறிவிக்கப்பட்டுள்ளது.

RON 95 ரக பெட்ரோல் 5 சென் உயர்ந்து லிட்டருக்கு 1 ரிங்கிட் 48 சென்னாக உள்ளது.

RON97 ரக பெட்ரோல் 5 சென் உயர்ந்து லிட்டருக்கு  1 ரிங்கிட் 78 சென்னாக உள்ளது.

டீசல் 2 சென் அதிகரித்து லிட்டருக்கு 1 ரிங்கிட் 63 சென்னுக்கு விற்கப்படும்.

_________

இந்தியா கேரளாவில் கர்பிணி யானைக்கு அன்னாசி பழத்தில் வெடிமருந்து வைத்து கொன்ற கொடூர சம்பவம் தொடர்பிலான விசாரணைக்காக காவல் துறை இருவரைக் கைது செய்துள்ளது.

அவ்விருவரும் விசாரிக்கப்பட்டு வருவதாக கேரள வனத்துறை தெரிவித்தது.