← Back to list

தற்காலிகமாக நிறுத்தப்பட்டுள்ளது!

May 26, 2020

மூன்று குடிநுழைவுத்துறை தடுப்பு மையங்களில் Covid-19 தொடர்பில்  112 புதிய சம்பவங்கள் அடையாளம் காணப்பட்டுள்ளதை அடுத்து, அவற்றில் மேலும் அதிகமான குடிநுழைவுக் கைதிகளைச் சேர்ப்பது தற்காலிகமாக நிறுத்தப்பட்டுள்ளது. 

கடந்த நான்கு நாட்களில் Bukit Jalil, Semenyih, Sepang குடிநுழைவு தடுப்பு மையங்களில் புதிய cluster சம்பவங்கள் அடையாளம் காணப்பட்டுள்ளன. 

அம்மையங்கள் தொடர்ந்து செயல்படும்.

ஆயினும் அங்கு பணியாற்றி வந்த பணியாளர்கள் தனிமைப்படுத்தப்படவிருப்பதாக குடிநுழைவு தலைமை இயக்குனர் Free Malaysia Todayவிடம் தெரிவித்துள்ளார். 

அவர்களுக்குப் பதிலாக புதியவர்கள் பணியாற்றவிருக்கின்றனர்.

நிபந்தனைக்குட்பட்ட நடமாட்டக் கட்டுப்பாட்டு ஆணை அமலில் உள்ள இக்காலக் கட்டத்தில் வாகனத்தின் அளவைப் பொருத்து மேலும் அதிகமானோர் பயணிக்க அனுமதி அளிக்க அரசாங்கம் கொள்கையளவில் ஒப்புக் கொண்டிருக்கிறது.

கார்களில் ஏற்கனவே அறிவித்தது போல் நால்வர் மட்டுமே பயணிக்க முடியும்.

MPVக்களில் ஆறு பேர் வரை செல்லலாம் என தற்காப்பு அமைச்சு கூறியது.

அதில் PDRM சரியான அணுகுமுறையைக் கையாளும் என நம்புவதாகவும் அது தெரிவித்தது.  

நோன்புப் பெருநாளைக் கொண்டாட மாநில எல்லையைக் கடக்கும் அரசு ஊழியர்களுக்கு எதிராக கட்டொழுங்கு நடவடிக்கை எடுக்கப்படலாம். 

பொதுச் சேவைத்துறை அவ்வாறு எச்சரித்துள்ளது. 

மாநில எல்லைகளைக் கடந்து சொந்த ஊர்களிலேயே சிக்கிக் கொண்டு மீண்டும் பணிக்கு வர இயலாமல் போனால், அந்நடவடிக்கை எடுக்கப்படும் என அது விளக்கியது.

சிலாங்கூரில் கடந்த நான்கு நாட்களாகத் தொடர்ச்சியாக Covid-19 சம்பவங்களின் எண்ணிக்கை அதிகரித்துள்ளது.

புதிதாக 40 சம்பவங்களுடன் Sepang மாவட்டம் சிவப்பு மண்டலப் பட்டியலில் இடம் பெறும் நிலையை நெருங்கியுள்ளது.

அதனைத் தவிர்த்து 6 மாவட்டங்கள் மஞ்சள் மண்டலப் பட்டியலில் உள்ளன.

உலகளவில் Covid-19னுக்குப் பலியானவர்களின் எண்ணிக்கை 3 லட்சத்து 44 ஆயிரத்தைத் தாண்டியுள்ளது.

55 லட்சத்துக்கும் மேற்பட்டோருக்கு அக்கிருமித் தொற்று பீடித்துள்ளது.

அமெரிக்கா, பிரிட்டன், இத்தாலி ஆகிய நாடுகளில் மரண எண்ணிக்கை 30 ஆயிரத்தைத் தாண்டியுள்ளதாக Johns Hopkins Universityயின் புள்ளி விவரம் காட்டுகிறது.

தொகுப்பு : சுகந்தமலர் முனியாண்டி