← Back to list

நாயை மரத்தில் தொங்க விட்ட சம்பவம்!

May 07, 2020

சிலாங்கூர், Bantingங்கில் தமது வளப்பு நாயின் கழுத்தில் கயிற்றைக் கட்டி மரமொன்றில் தொங்க விட்ட ஆடவர் மீது விசாரணைக்குப் பிறகு நடவடிக்கை எடுக்கப்படலாம்.  

அந்நாயைப் பாதுகாப்பாக மீட்டு அதன் கழுத்துப் பட்டையைக்  கால்நடைச் சேவைத்துறை பறிமுதல் செய்திருப்பதாகவும் Free Malaysia Today தகவல் கூறுகிறது.

முன்னதாக சம்பந்தப்பட்ட அந்த இந்திய ஆடவர் புரிந்த  மனிதாபிமானமற்றச் செயலின் காணொளி சமூக வலைத்தளங்களில் பரவி பலரது கண்டனத்துக்கு உள்ளானது.

அக்காணொளி எப்போது எடுக்கப்பட்டது, அவ்வாடவர் ஏன் அவ்வாறு செய்தார் என்பது தொடர்பான விவரங்கள் ஏதும் தெரியவில்லை.

சாலையோரத்தில் நிகழ்ந்த அச்சம்பவத்தைக் கண்ட நபர் ஒருவர், வாகனத்தை நிறுத்தி, அந்நாயை விடுவிக்குமாறு அவ்வாடவரிடம் கூறியுள்ளார்.

ஆனால் நீங்கள் யார், நீங்கள் அரசாங்க அதிகாரியா, நான் தான் அந்நாயை வளர்க்கிறேன், அந்நாயைக் கொல்லவும் எனக்கு உரிமை உண்டு என அவ்வாடவர் வாதிடும் காட்சிகள் அக்காணொளியில் உள்ளன.   

அந்நாயை விடுவிக்குமாறு அந்நபர் கடுமையாகக் கூறியதை அடுத்து, அவ்வாடவர் அந்நாயை விடுவித்தார்.

திணறியவாறு தரையில் விழுந்த அந்நாய்க்கு காயங்கள் ஏதும் இல்லை என நம்பப்படுகிறது.