← Back to list

ஒரு வாகனத்தில் இருவர் பயணிக்கலாம்!

Apr 29, 2020

நான்காம் கட்ட நடமாட்டக் கட்டுப்பாட்டு ஆணைக் காலக் கட்டத்தில்  அத்தியாவசியப் பொருட்கள் வாங்க ஒரே வாகனத்தில் இருவர் செல்லலாம். 

அரசாங்கம் அதற்கு அனுமதி அளிப்பதாக தற்காப்பு அமைச்சு தெரிவித்தது.

இதனிடையே பொதுமக்கள் 10 கிலோமீட்டருக்கும் மேல் பயணிக்கவும் அனுமதி வழங்கப்படுகிறது.  

ஆயினும் அத்தியாவசியப் பொருட்கள் வாங்குவதற்கும் சுகாதார மையங்களுக்கும் செல்வதற்குமே அந்த அனுமதி என அமைச்சு  நினைவுறுத்தியது.  

நாட்டின் வட பகுதியில் உள்ள 5 உயர்க்கல்விக் கழகங்களைச் சேர்ந்த மாணவர்கள் மத்தியப் பகுதியில் இருக்கும் தத்தம் சொந்த ஊர்களைச் சென்றடைந்துள்ளனர்.

MCOவைப் பின்பற்றாததற்காக நேற்று வரை நாடு முழுவதும்  21 ஆயிரத்து 700க்கும் மேற்பட்டோர் கைது செய்யப்பட்டுள்ளனர்.

Covid-19 கிருமித் தொற்று தொடர்பில் நாட்டில் புதிய மரணம் நிகழவில்லை.

மரணமடைந்தோரின் எண்ணிக்கை நூறாகவே இருக்கிறது.

மேலும் 55 பேர் பூரண குணமடைந்து வீடு திரும்ப அனுமதிக்கப்பட்டுள்ளனர்.

புதிதாக 94 சம்பவங்கள் பதிவாகி மொத்த சம்பவங்களின் எண்ணிக்கை ஐயாயிரத்து 945 ஆக அதிகரித்துள்ளது.

நாட்டில் Covid-19 கிருமித் தொற்றுகள் இல்லாத பச்சை மண்டலப் பகுதிகளின் எண்ணிக்கை 85 ஆக அதிகரித்துள்ளது.

பெர்லிசுக்குப் பிறகு கிளந்தானிலும் புதிய சம்பவங்கள் ஏதும் பதிவாகவில்லை.

எனினும் அம்மாநிலம் Covid-19னில் இருந்து விடுபட்டு விட்டதாகத் தற்போதைக்கு அறிவிக்க முடியாது என சுகாதார அமைச்சு கூறியது.

Covid-19 சம்பவங்கள் அதிகமுள்ள சிவப்பு மண்டலப் பகுதிகளின் எண்ணிக்கை 12 ஆகவே உள்ளது.

நிதியுதவி மற்றும் பொருள் உதவிகளை வழங்கத் தாங்கள் பிரதிநிதி ஒருவரை நியமித்திருப்பதாகக் கூறப்படுவதை பஹாங் மாநில அரசு மறுத்துள்ளது.

உங்களுக்குக் கிடைக்கும் தகவல் உண்மையா இல்லையா என்பதை Sebenarnya.my அகப்பக்கத்தில் சரி பார்த்துக் கொள்ளுங்கள்.

தொகுப்பு : சுகந்தமலர் முனியாண்டி