← Back to list

பள்ளித் தவணை குறித்த தகவல் பொய்யானது!

Apr 23, 2020

பச்சை மண்டலப் பகுதிகள் பாதுகாக்கப்படும்!

நாட்டில் நேற்று புதிய சம்பவங்கள் எண்ணிக்கை தொடர்ந்து 2 இலக்க எண்களில் அதாவது 50ஆக பதிவானது; அத்தொற்றில் இருந்து 103 குணமடைந்தனர்.

அவ்வெண்ணிக்கை, மொத்த சம்பவங்களில் 62.4 விழுக்காடாகும். 

இதனிடையே, COVID-19 தொற்றில் இருந்து விடுப்பட்டு, பச்சை மண்டலப் பகுதிகளாக, பட்டியலில் வைக்கப்பட்டுள்ள இடங்கள் தொடர்ந்து பாதுகாக்கப்படும்.

அதனை உறுதிச் செய்ய சுகாதார அமைச்சு தேவையான நடவடிக்கைகளை எடுத்து வருவதாக சுகாதாரத் துறை தலைமை இயக்குநர் Datuk Dr Noor Hisham Abdullah தெரிவித்துள்ளார்.

மற்றொரு நிலவரத்தில், COVID-19 தடுப்பூசி தயாரிக்கும் நாடுகள் தேர்ந்தெடுக்கும் பட்சத்தில், அத்தடுப்பூசிக்கான பரீட்சார்த்த சோதனைகளில் பங்கேற்க மலேசியா தயார் என்றும் Dr Noor Hisham சொன்னார்.    

அந்த பங்கேற்பு மிக அவசியம்; காரணம், அத்தடுப்பூசிகள் முழுமையாக சந்தைக்கு வரும் போது, மலேசியாவுக்கு முன்னுரிமை கிடைக்கும் என்பதை அவர் குறிப்பிட்டார்.

பள்ளித் தவணை குறித்த தகவல் பொய்யானது!

ஐந்தாம் மற்றும் ஆறாம் படிவ மாணவர்களுக்கான வகுப்புகள் ஜூன் 2ஆம் தேதி தொடங்கும் என வெளியாகியுள்ள தகவல் பொய்யானது.

அதே சமயம் பள்ளித் தவணை இனி அடுத்தாண்டு ஜனவரியில் தான் தொடங்கும் என பரவி வரும் தகவலையும் கல்வி அமைச்சு மறுத்துள்ளது.

COVID-19 தொடர்பில் நீங்கள் பெறும் தகவல் உண்மையானதா, இல்லையா என்பதை Sebenarnya.my அகப்பக்கத்தில் உறுதிப்படுத்திக் கொள்ளுங்கள்.

LHDN அலுவலகங்கள் செயல்படுகின்றன!

வருவாய் வரி வாரியம் LHDN அலுவலகங்கள் இன்று தொடங்கி வழக்கம் போல் செயல்படும்.

எனினும், நடப்பிலுள்ள மூன்றாம் கட்ட நடமாட்டக் கட்டுப்பாட்டு ஆணை முடியும் வரை, அவை குறிப்பிட்ட சேவைகளை மட்டுமே வழங்கும்.

e-Filing மற்றும் தேசிய பரிவுமிக்க பொருளாதார ஊக்குவிப்புத் திட்டத்திற்கான BPN முகப்புகளும் திறக்கப்படாது.

COVID-19 கிருமித் தொற்றை தடுக்க, இணையம் வழி சேவைக்கு முன்னுரிமை அளிக்கப்படும் என அவ்வாரியம் தெரிவித்தது.

தொகுப்பு: சௌரியம்மாள் ராயப்பன்