← Back to list

Covid-19 : அமைச்சு தயாராகி வருகிறது!

Mar 29, 2020

நாட்டில் Covid-19 பரவலின் மூன்றாம் கட்ட அலையை எதிர்கொள்ள சுகாதார அமைச்சு தயாராகி வருகிறது.

ஏப்ரல் மாத மத்தியில் அக்கிருமித் தொற்றால் பாதிக்கப்பட்டவர்களின் எண்ணிக்கை அதிகரிக்கலாம் என எதிர்பார்க்கப்படுகிறது.

சிலாங்கூர், Serdangங்கில் உள்ள மலேசிய விவசாயக் கண்காட்சிப் பூங்கா MAEPSசை தனிமைப்படுத்தி வைக்கும் மையமாகவும் மிதமான அறிகுறியுடைய Covid-19 நோயாளிகளுக்குச்  சிகிச்சையளிக்கும் இடமாகவும் மாற்றியமைக்கும் பணிகள் இறுதிக் கட்டத்தில் உள்ளன.

அங்கு சுமார் 600 கட்டில்கள் தயார்ப்படுத்தப்படுகின்றன.

Covid-19 பரவலைக் கட்டுப்படுத்த நடப்பில் உள்ள நடமாட்டக் கட்டுப்பாட்டு ஆணை மேலும் கடுமையாக்கப்பட வாய்ப்புள்ளது.

ஆனால் அவசரநிலை அறிவிக்கப்படாது என தற்காப்பு அமைச்சு கூறியிருக்கிறது.

புதிய தர செயல்பாட்டு நடைமுறை SOP அல்லது மேம்படுத்தப்பட்ட நடமாட்டக் கட்டுப்பாட்டு ஆணை தயார் செய்யப்பட்டதும்  அது குறித்து அறிவிக்கப்படும்.

ஆனால், முழுமையான lockdown அல்லது அவசரநிலை இருக்காது என அமைச்சு திட்டவட்டமாகக் கூறியது.

Covid-19 பரவலைத் தொடர்ந்து இவ்வாண்டு ஐந்தாம் படிவ மாணவர்களுக்கான SPM தேர்வு புதிய தேதிக்கு ஒத்தி வைக்கப்பட்டுள்ளது.

அத்தேர்வு நவம்பர் 16 ஆம் தேதியில் இருந்து டிசம்பர் 7 ஆம் தேதி வரை நடத்தப்படும் என கல்வியமைச்சு தெரிவித்துள்ளது.

நிர்ணயிக்கப்பட்டத் தவணைக்குள் அனைத்து பாடங்களும் கற்றுக் கொடுக்கப்படுவதை உறுதிச் செய்ய அம்மாற்றம் செய்யப்பட்டுள்ளது.

ஆயினும் ஆறாம் ஆண்டு மாணவர்களுக்கான UPSR தேர்வு செப்டம்பர் மாதம் நிலை நிறுத்தப்படுவதாக அமைச்சு கூறியது.