← Back to list

மகாதீரின் மறுபிரவேசம் - சாத்தியமா?

Mar 13, 2020

தீவிர அரசியலுக்குத் திரும்ப தயார் என்கிறார் Tun Dr Mahathir Mohamad.

மக்கள் விரும்பினால் அடுத்தப் பொதுத் தேர்தலில் போட்டியிடக் கூட தாம் தயார் என அவர் Nikkei Asian Review செய்தித்தாளுடனான சிறப்புப் பேட்டியில் சொன்னார்.

மகாதீரின் மறுபிரவேச சாத்தியத்தை நிராகரித்து விட முடியாது; அரசியல் களத்தில் இருந்து அவரது பார்வை ஒருபோதும் திரும்பாது என அரசியல் ஆய்வாளர் Dr Oh Ei Son தெரிவித்துள்ளார்.

Dr Oh Ei Son-னின் அக்கருத்தை Astro வானொலி செய்தி ஆசிரியர் மோகனதாஸ் முனியாண்டியும் ஆமோதிக்கிறார்....

"அவர் என்று உண்மையிலேயே ஓய்வுப் பெற்றார் comeback செய்வதற்கு? 2003-றில் பதவி விலகி பிறகு  கொஞ்ச காலத்திலேயே மீண்டும் அரசியல் குறித்து பேசத் தொடங்கினார். பின்பு நஜிப் காலத்திலும் அப்படி தான். 2018 பொதுத் தேர்தலில் போட்டியிடுவார், வென்று பிரதமர் ஆவார் என்று யாராவது நினைத்தோமா? ஆனால் அது நடந்ததே! ஆக என்றுமே யாராலும் எளிதில் கணிக்க முடியாத ஓர் அரசியல்வாதி மகாதீர். அவர் அடுத்து என்ன செய்வார் என்பதை யூகிப்பது கடினம். Comeback செய்யப் போவதாக கோடி காட்டியுள்ளார். யாருக்குத் தெரியும், 15-ஆவது பொதுத் தேர்தலிலும் அவர் போட்டியிட்டால்?" என்றார்.

தன் கண் முன்னே ஏதாவது தவறு நடக்கிறது என்று தெரிந்தால் அதனை சரி செய்வது தமது கடமை என்ற உணர்வு தமக்கு இருப்பதாக அந்தப் பேட்டியில் மகாதீர் சொன்னார்.

அண்மைய அரசியல் நெருக்கடியின் உச்சக்கட்டமாக கடந்த மாதம் பிரதமர் பதவியில் இருந்து 95 வயது மகாதீர் விலகினார்.