← Back to list

Covid-19 ஒரு கொள்ளை நோய்!

Mar 12, 2020

Covid-19 கிருமிப் பரவலை, உலக சுகாதார நிறுவனம் WHO கொள்ளை நோயாக வகைப்படுத்தியிருக்கின்றது.

உலகெங்கும் ஒரே நேரத்தில் பல நாடுகளுக்கு பரவும் நோய், கொள்ளை நோயாக வகைப்படுத்தப்படும்.

அவ்வகையில், சீனாவுக்கு வெளியே Covid-19 கிருமித் தொற்றால் பாதிக்கப்பட்டோர் எண்ணிக்கை கடந்த 2 வாரங்களில் 13 மடங்கு அதிகரித்திருப்பதாக WHO கூறியது.

அக்கிருமி தொற்று பரவல், 114 நாடுகளுக்கு பரவியிருக்கின்றது. 

உலகம் முழுவதும் இதுவரை ஒரு லட்சத்து 18 ஆயிரம் சம்பவங்கள் பதிவாகியுள்ளன; நான்காயிரத்திற்கும் அதிகமானோர் அக்கிருமித் தொற்றுக்கு பலியாகியிருக்கின்றனர்.

நாட்டில் நேற்று உறுதிப்படுத்தப்பட்ட மேலும் 20 Covid-19 சம்பவங்களை அடுத்து, மொத்த எண்ணிக்கை 149 ஆக அதிகரித்துள்ளது.

இதுவரை, 26 பேர் முழுமையாக குணமடைந்து மருத்துவமனையில் இருந்து வெளியேறியிருக்கின்றனர்.