← Back to list

மலேசியாவுக்குள் நுழைய தடை!

Mar 11, 2020

Covid-19 அச்சுறுத்தல் காரணமாக வரும் வெள்ளிக்கிழமை தொடங்கி ஈரான், இத்தாலி, தென் கொரியாவைச் சேர்ந்தவர்கள் மலேசியாவுக்குள் நுழைய தடை விதிக்கப்படுகின்றது!

அவசியம் இல்லாவிட்டாம் அந்நாட்டில் இருக்கும் மலேசியர்களும் இங்கு வருவதை தவிர்க்குமாறு ஆலோசனை கூறப்படுகிறது.

தென் கொரியாவில் இன்று மட்டும் 242 புதிய Covid-19 சம்பவங்கள் பதிவாகியுள்ள வேளை, தற்போது அந்நாட்டில் அத்தொற்றால் பாதிக்கப்பட்டவர்களின் எண்ணிக்கை 7700ஐத் தாண்டியுள்ளது.

இதனிடையே இன்று மட்டும் நாட்டில் மொத்தம் 20 புதிய Covid-19 சம்பவங்கள் பதிவாகியுள்ளதை சுகாதார அமைச்சு உறுதிபடுத்தியுள்ளது!

இதையடுத்து நாட்டில் இதுவரை அத்தொற்றுக்கு ஆளானவர்களின் எண்ணிக்கை 149ஆக உயர்ந்துள்ளது.

இதனிடையே அக்கிருமி தொற்றுக்கு ஆளானவர்களில் ஒருவர் பூரண குணமடைந்து வீடு திரும்ப அனுமதிக்கப்பட்டுள்ளார்.

இதையடுத்து அந்நோய் தொற்றிலிருந்து முழுமையாக குணமடைந்தவர்களின் எண்ணிக்கை 26 என அமைச்சு மேலும் சொன்னது.