← Back to list

காஷ்மீர் பயணத்தை ஒத்தி வையுங்கள்!

Aug 08, 2019

Image: Mapsofindia

ஜம்மு - காஷ்மீரில் நிலவும் பதற்றமான சூழ்நிலையை வெளியுறவு அமைச்சு தொடர்ந்து கண்காணித்து வருகின்றது.

முடிந்த வரை ஜம்மு-காஷ்மீருக்கான சுற்றுப் பயணங்களை ஒத்தி வைக்குமாறு Wisma Putra மலேசியர்களை அறிவுறுத்தியிருக்கின்றது.

அங்குள்ள மலேசியர்கள், உதவிகள் தேவைப்பட்டால் புது டெல்லியில் உள்ள மலேசிய உயர் ஆணையத்தை தொடர்புக் கொள்ளலாம் என்றும் Wisma Putra கூறியது.

இந்தியா மற்றும் பாகிஸ்தான் ஆகிய இரு நாடுகளுடனும் மலேசியா அணுக்கமான உறவைக் கொண்டிருப்பதாக கூறிய வெளியுறவு அமைச்சு, காஷ்மீர் விவகாரத்தில் அவ்விரு நாடுகளும் முன்வந்து பேச்சு வார்த்தை நடத்தி, சுமூகமான முடிவை எட்ட வேண்டும் என்றும் வலியுறுத்தியிருக்கிறது.

பாதுகாப்பு கருதி, கடந்த வாரத்தில் இருந்து இதுவரை காஷ்மீரில் இருந்து அமர்நாத் யாத்திரிகர்கள் உள்ளிட்ட ஆயிரக்கணக்கான சுற்றுப்பயணிகள் வெளியேற்றப்பட்டுள்ள நிலையில், அங்கு இணைய மற்றும் தொலை தொடர்புச் சேவைகள் துண்டிக்கப்பட்டுள்ளன.

Image: Financial Times

பள்ளி, கல்லூரிகள் மற்றும் அரசு அலுவலகங்கள் காலவரையின்றி மூடப்பட்டுள்ளன; இரவு நேரத்தில் மாநிலம் முழுவதும் ஊரடங்கு உத்தரவு போடப்பட்டுள்ளது.

Image: Live Law

காஷ்மீருக்கு சிறப்பு அந்தஸ்து வழங்கும் 370-வது அரசியல் சட்டப்பிரிவு ரத்து செய்யப்பட்டு, அம்மாநிலம் இரண்டு யூனியன் பிரதேசங்களாக பிரிக்கப்பட்டுள்ளதை அடுத்து அங்கு பதற்றம் நிலவுகிறது.