← Back to list

ஜொகூர் சா ஆ'வில் தொழில்திறன் கல்விக் கருத்தரங்கம்!

Apr 12, 2019

நடப்பு வேலைச் சந்தைக்கு இளையோர் தங்களை தயார்படுத்திக் கொள்ள தொழிற்கல்வியும் அவசியமாகின்றது!

அதனை கருத்தில் கொண்டு, ஜொகூர் மாநில மனிதவளம் மற்றும் ஒற்றுமை செயற்குழுவுக்கான அரசு ஆட்சிக்குழு உறுப்பினர் டாக்டர் எஸ்.ராமகிருஷ்ணன் முயற்சியில், நாளை(சனிக்கிழமை) ஜொகூரில் 2019 தொழில்திறன் கல்விக் கருத்தரங்கம் நடைபெறவுள்ளது.

முதன் முறையாக நடத்தப்படும் அக்கருத்தரங்கில் அரசாங்கத்தின் 
ஐந்துக்கும் மேற்பட்ட தொழிற்கல்வி பயிற்சி நிறுவனங்கள் பங்கேற்கவிருப்பதாக பெக்கோ சட்டமன்ற உறுப்பினருமான டாக்டர் எஸ்.ராமக்கிருஷ்ணன் கூறினார்.

மேற்கல்வி தொடர முடியாத இளையோருக்கும் உதவும் நோக்கில் அக்கருத்தரங்கம் ஏற்பாடு செய்யப்பட்டிருப்பதாக அவர் சொன்னார்.

இத்தொழில்திறன் கல்விக் கருத்தரங்கம் சா ஆ'வை அடுத்து மற்ற மாநிலங்களில் இந்தியர்கள் அதிகம் வாழும் பகுதிகளுக்கும் விரிவுப்படுத்தப்படும்; 

அதற்கான முயற்சிகள் மேற்கொள்ளப்படும் என்றும் Dr Ramakrishnan சொன்னார்.

அக்கருத்தரங்கம் குறித்த தகவல்கள் பின்வருமாறு:

தேதி/நாள் : 13 ஏப்ரல் 2019 / சனிக்கிழமை

நேரம்     : பிற்பகல் 2 மணி

இடம்     : Johor சா ஆ, பெக்கோ சட்டமன்ற உறுப்பினரின் மக்கள் சேவை மையம் 

இவ்வழிகாட்டி கருத்தரங்கில் கலந்துக் கொண்டு பயனடையுமாறு டாக்டர் எஸ்.ராமகிருஷ்ணன் சுற்று வட்டார இளையோர்களை கேட்டுக் கொண்டுள்ளார்.