← Back to list

தொழிலாளர்களின் புகார்களை நேரடியாகத் தெரிந்து கொள்ள ஒரு செயலி!

Dec 27, 2020

அரசாங்கம், தொழிலாளர்களுக்கிடையிலான தொடர்பை மேம்படுத்த ஏதுவாக மனிதவள அமைச்சு அடுத்த மாதம் செயலி ஒன்றை அறிமுகப்படுத்தவிருக்கின்றது.

அச்செயலி வாயிலாக, வேலையிடங்களில் தங்களின் நல்வாழ்க்கு ஏற்படும் இடையூறுகள் குறித்து உள்நாட்டு மற்றும் அந்நிய தொழிலாளர்கள் அரசாங்கத்திடம் நேரடியாகப் புகாரளிக்கலாம் என மனித வள அமைச்சர் தெரிவித்துள்ளார்.

இந்த இருவழி தொடர்பு செயலியின் வாயிலாகக் கிடைக்கப்பெறும் புகார்களை அரசாங்கம் தீர ஆராய்ந்து, உரிய நடவடிக்கைகளை மேற்கொள்ளும் என்றாரவர்.

______

கிருஸ்மஸ் தினத்தன்று ஆயிரத்துக்கும் அதிகமான விதிமீறல்கள் நடந்துள்ளன.

தர செயல்பாட்டு நடைமுறைகள் காரணமாக இவ்வாண்டு கிருஸ்மஸ் தினத்தின் போது பலர் வீட்டிலேயே இருந்தாலும், SOPக்களை மீறியதற்காக நேற்று மட்டும் ஆயிரத்துக்கும் அதிகமானோர் கைதாகியுள்ளனர்.

அவர்களில் அறுநூருக்கும் அதிகமானோர் மனமகிழ் மையங்களில் கைதானதாக பாதுகாப்பு விவகாரங்களுக்கான மூத்த அமைச்சர் Dato Sri Ismail Sabri Yaakob தெரிவித்தார்.

______ 

சிலாங்கூர், Dengkil சட்டமன்ற உறுப்பினர் Adhif Syan Abdullahவுக்கு Covid-19 தொற்று உறுதிப்படுத்தப்பட்டுள்ளது.

அவரது வாகன ஓட்டுனருக்கு அத்தொற்று இருந்ததை அடுத்து, தமக்கு அறிகுறிகள் தென்படவில்லை என்றாலும் மருத்துவ பரிசோதனை செய்து கொண்டதாகத் தெரிவித்த அவர், தமக்கு அத்தொற்று பீடித்துள்ளது தெரிய வந்துள்ளதாகச் சொன்னார்.

______

Shah Alamமில் அனுமதிக்கப்பட்ட அளவைக் காட்டிலும் அதிகமான கழிவுகளை வெளியேற்றி ஆற்றை மாசுபடுத்தியதாகக் குற்றஞ்சாட்டப்பட்ட உணவு மற்றும் குளிர்பான தயாரிப்பு தொழிற்சாலை ஒன்றுக்கு 90 ஆயிரம் ரிங்கிட் அபராதம் விதிக்கப்பட்டது.

______

Pahang, Raubபில் நேற்றிரவு பெய்த கனமழை காரணமாக ஏற்பட்ட வெள்ளத்தில் 11 பேர் பாதிக்கப்பட்டுள்ளனர்.

அவர்கள் அனைவரும் தற்காலிக துயர் துடைப்பு மையத்தில் தங்க வைக்கப்பட்டுள்ளனர்.