← Back to list

Covid-19: 1600 புதிய சம்பவங்கள் பதிவாகியுள்ளன!

Dec 07, 2020

நாட்டில் இன்று ஆயிரத்து 600 புதிய Covid-19 சமபவங்கள் பதிவாகியிருக்கின்றன!

நெகிரி செம்பிலானில் தான் ஆக அதிகமாக 541 சம்பவங்கள் பதிவாகியிருக்கின்றன.

426 சம்பவங்களுடன் சிலாங்கூர் இரண்டாம் இடத்தில் உள்ளது.

இரு புதிய மரணங்கள் பதிவானதைத் தொடர்ந்து மரண எண்ணிக்கை 384ஆக உயர்ந்துள்ளது.

____

நிபந்தனைக்குட்பட்ட நடமாட்டக் கட்டுப்பாட்டு ஆணை அமுலில் உள்ள பகுதிகளில், உணவுக் கடைகளிலும் உணவகங்களிலும் மேசையில் அமர்ந்து உணவு உண்ணுவோரின் எண்ணிக்கை கட்டுப்பாட்டை அரசாங்கம் நீக்கியுள்ளது.

குறிப்பிட்டோர் தான் ஒரே மேசையில் அமர வேண்டும் என்ற கட்டுப்பாடு ஏதுமில்லை.

ஆனால் தனிமனித இடைவெளி, அதாவது ஒருவருக்கும் இன்னொருவருக்கும் நடுவே ஒரு மீட்டர் தூரம் இடைவெளி இருத்தல் மிக மிக அவசியம் என தேசிய பாதுகாப்பு அமைப்பு தெரிவித்துள்ளது.

இது இன்று முதல் வரும் 20ஆம் தேதி வரை அமுலில் இருக்கும்.

______

நெகிரி செம்பிலான், சிரம்பான் சிறைச்சாலையிலும், அதன் kuatersசிலும் அமுலில் இருந்த கடுமையாக்கப்பட்ட நடமாட்டக் கட்டுப்பாட்டு ஆணை நாளை முதல் 14 நாட்களுக்கு நீட்டிக்கப்பட்டுள்ளது.

வரும் 21ஆம் தேதி வரை அங்கு EMCO அமுலில் இருக்கும் என தற்காப்பு அமைச்சு தெரிவித்துள்ளது.

இதனிடையே நடமாட்டக் கட்டுப்பாட்டு ஆணையின் SOPக்களை மீறியதற்காக நேற்று மட்டும் நாடு முழுவதும் 487 பேர் கைது செய்யப்பட்டனர்.

அவர்களில் 470 பேருக்குத் தண்டம் விதிக்கப்பட்டு 17 பேர் தடுத்து வைக்கப்பட்டுள்ளனர்.

______

கெடா, Guar Cempedakவிலுள்ள தீயணைப்பு நிலையத்தைச் சேர்ந்த் உதவி தீயணைப்பு அதிகாரி ஒருவருக்கு Covid-19 உறுதிப்படுத்தப்பட்டுள்ள்து.

இதையடுத்து அந்நிலையத்தைச் சேர்ந்த 22 அதிகாரிகள் தனிமையில் வைக்கப்பட்டுள்ளனர்.

38 அதிகாரிகள் Covid-19-னுக்கான பரிசோதனையைச் செய்து கொண்டிருப்பதாகவும், அவர்களில் 16 பேருக்கு அத்தொற்று இல்லை என்றும் தெரிவிக்கப்பட்டுள்ளது.

எஞ்சியவர்கள் பரிசோதனை முடிவுக்காகக் காத்திருக்கின்றனர்.

_______

நாட்டில் சில மாநிலங்களில் இன்று இரவு 8 மணி வரை இடியுடன் கூடிய கனத்த மழை பெய்யும் என வானிலை ஆய்வுத் துறை கணித்துள்ளது.

பேராக், சிலாங்கூர், KL ஆகியவை அதிலடங்கும்.