← Back to list

91 விழுக்காடு நீர் விநியோகம் சீரடைந்துள்ளது!

Sep 08, 2020

கிள்ளான் பள்ளத்தாக்கில் தண்ணீர் விநியோகம் பாதிக்கப்பட்டிருந்த ஆயிரத்துக்கும் அதிகமான பகுதிகளில் நிலைமை சீரடைந்திருக்கிறது!

எதிர்ப்பார்த்ததை விட கூடிய விரைவிலேயே நிலைமை வழக்க நிலைக்குத் திரும்பும் என எதிர்ப்பார்க்கப்படுவதாக சிலாங்கூர் மாநில MB Datuk Seri Amirudin Shari சொன்னார்.

அதோடு, நீர் மாசடைவதை தவிர்க்கும் நோக்கில், ஆறுகளுக்கு அருகே உள்ள தொழிற்சாலைகள் ஆண்டிறுதி வரை வேறு இடங்களுக்கு மாற்றப்படவிருப்பதாகவும் அவர் கூறினார்.

மற்றொரு நிலவரத்தில், இச்சம்பவத்தில் Sg Gong ஆற்று நீர் மாசடையக் காரணமாக இருப்பதாக நம்பப்படும் தொழிற்சாலை 2014ஆம் ஆண்டு முதல் சட்ட விரோதமாக செயல்பட்டு வந்தது தெரிய வந்துள்ளது.

அத்தொழிற்சாலை உரிமத்திற்கு விண்ணப்பித்ததே இல்லை என தரவு காட்டுவதாக Selayang நகராண்மைக் கழகம் தெரிவித்துள்ளது.

நெகிரி செம்பிலானில் 12 வயது சிறுவன் Tanker லாரி ஓட்டிய சம்பவம் குறித்து காவல் துறை விசாரிக்கின்றது.

தொடக்கக் கட்ட விசாரணையில் அச்சம்பவம் Rantau-வில் நடந்தது தெரிய வந்துள்ளது.

இதனிடையே Rembau-வில் வயது குறைந்த தனது மகன் சாலையில் காரோட்ட அனுமதித்த தந்தைக்கு தண்டம் விதிக்கப்பட்டுள்ளது.

சம்பந்தப்பட்ட ஒன்பது வயது சிறுவன் தனது தந்தையின் காரை ஓட்டிச் செல்லும் காட்சிகள் அடங்கிய காணொளி சமூக வலைத்தளங்களில் பரவி பரபரப்பை ஏற்படுத்தியது.

ஜொகூரில், காவல் துறையினருக்கு கையூட்டு கொடுக்க முயன்ற குத்தகையாளர் ஒருவர் கைது செய்யப்பட்டுள்ளார்.

தனது வங்காளதேச ஊழியர் ஒருவரின் ஆவணம் காலாவதியானதை மறைக்க அவர் கைய்யூட்டு கொடுக்க முன்வந்துள்ளார்.

பினாங்கு Ayer Hitam-மிலுள்ள கிளினிகில் நோயாளி ஒருவருக்கு Covid-19 உறுதிபடுத்தப்படடதைத் தொடர்ந்து, அக்கிளினிக்  கிருமி நாசினி தெளிக்கும் நடவடிக்கைக்காக தற்காலிகமாக மூடப்பட்டுள்ளது.