← Back to list

சிலாங்கூர் ஆறு மாசடையக் காரணமாக நால்வர் கைது!

Sep 05, 2020

சிலாங்கூர் ஆறு மாசுபடக் காரணமாக இருந்ததாக நம்பப்படும் சந்தேக நபர் நால்வர் கைதாகியுள்ளனர்.

அவர்கள் நடத்தி வந்த தொழிற்சாலையொன்றின் கழிவு, அந்த ஆற்று நீரில் கலந்ததால் தான் மாசுபட்டு அதனால் சிலாங்கூரிலும், KLலிலுமுள்ள நான்கு நீர் சுத்தகரிப்பு ஆலைகளில் தண்ணீர் விநியோகம் தடைப்பட்டிருந்தன.

அதன் காரணமாக சுமார் ஏழு மாவட்டங்களில் பொது மக்கள் தண்ணீர் தட்டுப்பாடால் அவதியுற்று வருகின்றனர்.

கைது செய்ததை அடுத்து, 50லிருந்து 60 வயதுக்குட்பட்ட அந்நால்வரையும் தடுத்து வைத்து விசாரிக்க இன்று Selayang நீதிமன்றத்தில் கோரப்படவிருப்பதாக மாநில காவல் துறை தலைவர் தெரிவித்தார்.
_____

மற்றொரு நிலவரத்தில் பாதிக்கப்பட்ட நான்கு சுத்திகரிப்பு ஆலைகளும் செயல்படத் தொடங்கியிருப்பதாக Air Selangor நிறுவனம் அறிக்கை ஒன்றின் வழி தெரிவித்தது.

முன்னதாக ஆலைகள் செயல்படத் தொடங்கி நான்கு நாட்களுக்குப் பிறகு தான், பொது மக்களுக்கு நீர் விநியோகிக்கப்படும் என அந்நிறுவனம் தெரிவித்திருந்தது.

தண்ணீர் விநியோகம் குறித்த மேல் விவரங்களை பொது மக்கள் Airselangor செயலி வாயிலாகத் தெரிந்து கொள்ளலாம்.

______

இதனிடையே இச்சம்பவத்திற்குப் பிறகும் இயங்கிக் கொண்டிருக்கும் அந்த தொழிற்சாலை குறித்து விசாரிக்குமாறு மலேசிய ஊழல் ஒழிப்பு ஆணையத்திடம் வலியுறுத்தப்பட்டுள்ளது.

அத்தொழிற்சாலை சில அரசியல்வாதிகளின் செல்வாக்கின் பெயரின் இன்னமும் செயல்பட்டு வருவதாக கூறப்படுவதாக Sinar Harian தகவல் கூறுகின்றது.

முன்னதாக அந்த தொழிற்சாலைக்கு சுற்றுச்சூழல் துறை 60 ஆயிரம் ரிங்கிட் அபராதம் விதித்ததாகவும் நம்பப்படுகிறது.

______

நாட்டில் நேற்று புதிதாக ஒரு Cluster சம்பவம் அடையாளம் காணப்பட்டது.

அது Semenyih 2டில் குடிநுழைவு தடுப்பு மையத்தில் ஏற்பட்ட சம்பவம் என சுகாதார அமைச்சு தெரிவித்தது.

இதனிடையே நேற்று புதிதாக 11  Covid-19 சம்பவங்கள் பதிவாகியுள்ள வேளை அவற்றில் நான்கு உள்நாட்டில் பரவியவை.

மேலும் 9 பேர் பூரண குணமடைந்து வீடு திரும்ப அனுமதிக்கப்பட்டுள்ளனர்; மொத்த மரண எண்ணிக்கை 128 ஆகவே இருக்கிறது.  

______

பாடும் நிலா SP Balasubramaniam-மின் உடல் நிலையில் தொடர்ந்து நான்காவது நாளாக நல்ல முன்னேற்றம் காணபடுவதாக தகவல் வெளிவந்துள்ளது.

விரைவில் அவர் பூரண குணம்டைந்து வீடு திரும்புவார் என அவரது குடும்பத்தார் ஆவலுடன் காத்திருப்பதாக அவரது மகன் SPB Charan, Instagram-மில் வீடியோ ஒன்றின் மூலம் தெரிவித்துள்ளார்.

_____