← Back to list

ஈரிலக்கத்திற்குத் திரும்பியுள்ளது!

Aug 28, 2020

நாட்டில் புதிதாக பத்து பேருக்கு Covid-19 பீடித்திருப்பது உறுதிப்படுத்தப்பட்டுள்ளது.

அப்பத்து சம்பவங்களில் இரண்டு உள்நாட்டில் பரவியவை.

மேலும் 36 பேர் பூரண நலம் பெற்றுள்ளனர்.

புதிதாக மரணம் ஏதும் இல்லாததால், மரண எண்ணிக்கை 125 ஆகவே இருக்கிறது. 

தென் கொரியாவில் உள்ள மலேசியர்கள் எவருக்கும் இதுவரை Covid-19 கிருமித் தொற்று இல்லை என அந்நாட்டுக்கான மலேசியத் தூதர் கூறியிருக்கிறார்.

எனினும் தென் கொரிய அரசு நிர்ணயித்துள்ள விதிமுறைகளைத் தொடர்ந்து பின்பற்றி வருமாறு அவர்களுக்கு ஆலோசனை கூறப்பட்டிருப்பதாக அவர் Astro Awaniயிடம் தெரிவித்தார்.

தென் கொரியாவில் மாணவர்கள் உட்பட ஆயிரத்து 600க்கும் மேற்பட்ட மலேசியர்கள் இருக்கின்றனர்.

மீட்சியை நோக்கிய நடமாட்டக் கட்டுப்பாட்டு ஆணையை மீறியதற்காக நேற்று நாடு முழுவதும் 88 பேர் கைது செய்யப்பட்டனர்.

அவர்களில் நால்வர் தடுத்து வைக்கப்பட்ட வேளை, 84 பேருக்கு தண்டம் விதிக்கப்பட்டதாக தற்காப்பு அமைச்சு தகவல் வெளியிட்டுள்ளது.

நாளை நடைபெறும் பேரா, Slim சட்ட மன்றத் தொகுதி இடைத் தேர்தலில் 85 விழுக்காட்டு வாக்களிப்பர் என எதிர்பார்க்கப்படுவதாக தேர்தல் ஆணையம் கூறியிருக்கிறது.

அதே சமயம் Covid-19 பரவதைத் தடுக்க நிர்ணயிக்கப்பட்ட தர செயல்பாட்டு நடைமுறை SOPக்களைப் பின்பற்றுமாறு அது வாக்காளர்களைக் கேட்டுக் கொண்டது.

Slim இடைத் தேர்தலில் தேசிய முன்னணி வேட்பாளரும் இரு சுயேட்சை வேட்பாளர்களும் போட்டியிடுகின்றனர்.

தேர்தல் முடிவு இரவு 9 மணிக்குள் அறிவிக்கப்படலாம்.

நாளை முதல் RON95 பெட்ரோலின் விலை ஒரு சென் அதிகரித்து லிட்டருக்கு ஒரு ரிங்கிட் 72 சென்னுக்கு விற்கப்படும்.

RON97 பெட்ரோலும் ஒரு சென் உயர்ந்து லிட்டருக்கு 2 ரிங்கிட் 2 சென்னாகிறது.

டீசல் இரண்டு சென் சரிந்து லிட்டருக்கு ஒரு ரிங்கிட் 78 சென்னுக்கு விற்கப்படும்.

சுகாதாரப் பாதிப்பு காரணமாக Shinzo Abe ஜப்பானியப் பிரதமர் பதவியில் இருந்து அதிகாரப்பூர்வமாக விலகியிருக்கிறார்.

ஜப்பானியப் பிரதமர்கள் வரிசையில் நீண்ட காலம் அப்பொறுப்பில் இருந்தவராக Abe திகழ்கிறார்.