← Back to list

வாகன உரிமம், ஓட்டுநர் உரிமம் அச்சிடுவது இனி இல்லை !

Jan 27, 2026

நாட்டில் அனைத்து தபால் நிலையங்களிலும் வாகன உரிமம் மற்றும் ஓட்டுநர் உரிமங்களை அச்சிட்டு விநியோகிக்கும் சேவை நிறுத்தப்படும் ! 

பிப்ரவரி 1 முதல் அது அமுலுக்கு வருவதாக, POS மலேசியா நேற்று உறுதிப்படுத்தியுள்ளது. 

முன்னதாக, MyJPJ தளத்தின் வழி ஓட்டுநர் உரிமத்தைக் கோரும் அதிகாரிகளுக்கு உரிமங்களைக் காட்டலாம் என JPJ அறிவித்திருந்தது. 

மோட்டார் வாகன உரிம ஸ்டிக்கரை இன்னமும் பெற விரும்புவோர், சேவை நிறுத்தப்படுவதற்கு முன்பு,Pos மலேசியாவில் அச்சிட்டுக் கொள்ளலாம். 

-- 

ஜொகூர் பாருவில்,சுமார் 12 ஹெக்டர் நிலப்பரப்பில் ஏற்பட்ட தீ விபத்தில் பாதிக்கப்பட்டவர்களுக்கு இரண்டு தற்காலிக துயர்துடைப்பு மையங்கள் திறக்கப்பட்டுள்ளன. 

அச்சம்பவத்தில், கிட்டதட்ட 112 பேர் பாதிக்கப்பட்டுள்ளனர். 

வறண்ட நிலப்பரப்பு என்பதாலும், காற்று வீசியதாலும் தீ விரைந்து பரவியதாக தீயணைப்பு மீட்பு துறை தெரிவித்துள்ளது. 

-- 

முன்னாள் பிரதமர் டத்தோஸ்ரீ நஜிப் ரசாக்கின் வழக்கறிஞரின் கருத்துக்கள் நீதிமன்றத்தை  அவமதித்தனவா என்பதை சட்டத்துறை அலுவலகம் ஆய்வு  செய்து வருகிறது. 

நடவடிக்கை எடுப்பதற்கு முன்பு, அந்த மறு ஆய்வு அவசியம் என அத்துறை கூறியது. 

அந்த முன்னாள் பிரதமரின்  வீட்டுக் காவல் தீர்ப்பு அரசர்கள் மற்றும் ஆளுநர்களின் மன்னிப்பு அதிகாரத்தை குறைத்ததாக வழக்கறிஞர் கூறியதன் பின்னணியில் இந்த ஆய்வு நிகழ்ந்துள்ளது. 

-- 

இதனிடையே கடதாண்டு மட்டும் நான்கு கோடியே 20 லட்சம் வெளிநாட்டவர்கள் மலேசியா வந்துள்ளனர்!