← Back to list

கிக் தொழிலாளர்கள் சட்டம் மார்ச் மாதம் அமலுக்கு வரும் !

Jan 26, 2026

கிக் தொழிலாளர்கள் சட்டம் மார்ச் மாத இறுதியில் அமலுக்கு வரும் ! 

அவ்வாறு மனிதவள அமைச்சர் டத்தோஸ்ரீ ரமணன் ராமகிருஷ்ணன் தெரிவித்துள்ளார். 

அச்சட்டம் கிக் தொழிலாளர்களுக்கு உத்தரவாதமான கட்டண காலக்கெடு அதாவது 7 நாட்களில் சம்பளம், மற்றும் விபத்துகள் ஏற்பட்டால் சமூகப் பாதுகாப்பு உள்ளிட்ட முக்கிய கூறுகளைக் கொண்டிருப்பதாக அவர் உறுதியளித்தார்.  

--

இதனிடையே, அனைத்து Grab ஓட்டுநர்களுக்கும் 15 விழுக்காடு SOCSO பங்களிப்பைச் செலுத்த அந்நிறுவனம் ஒப்புதல் அளித்துள்ளதாகவும் மனித வள அமைச்சு கூறியது, 

இனி அனைத்து ஓட்டுநர்களுக்கும் சமமாக 15% பங்களிப்பை செலுத்த அந்நிறுவனம் முன்வந்துள்ளதாக அமைச்சர் ரமணன் கூறினார். 

மேலும், Grab இவ்வாண்டு 5,000 தொழிலாளர்களுக்கு பயிற்சி மற்றும் திறன் மேம்பாட்டு வாய்ப்புகளை வழங்கவிருப்பதாகவும் அவர் கூறினார். 

-- 

சமூக ஊடகப் பயன்பாட்டிற்கான குறைந்தபட்ச வயது வரம்பை 16 ஆக நிர்ணயிப்பது, இவ்வாண்டின் நடுப்பகுதியில் அமலுக்கு வரலாம் !  

ஜூலை மாதத்திற்குள் அதனை நடைமுறைப்படுத்துவதற்கான முயற்சிகளை மேற்கொண்டு வருவதாக, தொடர்பு துறை துணை அமைச்சர் தெரிவித்துள்ளார்.  

16 வயதுக்கும் குறைவானவர்கள் சமூக ஊடக கணக்குகள் கொண்டிருப்பதைத் தடை செய்யும் அத்திட்டம் சிறார்கள் மத்தியில் இணையப் பாதுகாப்பை வலுப்படுத்துவதை நோக்கமாகக் கொண்டுள்ளது.  

-- 

இந்தியாவில், வங்காளதேசத்தின் முன்னாள் பிரதமர் ஷேக் ஹசீனா பொது உரையாற்ற அனுமதிக்கப்பட்டதை அடுத்து, அந்நாட்டு அரசு அதிர்ச்சி தெரிவித்துள்ளது. 

அவர் தற்போதைய இடைக்கால அரசை கடுமையாக விமர்சித்து, நியாயமான தேர்தல் நடக்காது என அவ்வுரையில் கூறியுள்ளார். 

அது, தேர்தல் காலத்தில் பதற்றத்தை ஏற்படுத்துவதோடு, இரு நாட்டின் உறவுகளை பாதிப்பதாகவும் வக்காளதேசம் எச்சரித்துள்ளது.