← Back to list

தமிழ்ப்பள்ளிகளைக் காப்பது அனைவரின் பொறுப்பு ! !

Jan 23, 2026

பிள்ளைகளை தமிழ்ப்பள்ளிகளுக்கு அனுப்புவது பெற்றோர்களின் கடமையே ! 

தமிழ்ப்பள்ளி மாணவர்களின் எண்ணிக்கை தொடர்ந்து குறைந்து வருவதை மேற்கோள்காட்டி, Batu நாடாளுமன்ற உறுப்பினர் P. Prabakaran அவ்வாறு கூறினார். 

அதற்கு இந்திய சமுதாயத்தின் பிறப்பு விகிதம் உட்பட பல்வேறு காரணங்கள் முன் வைக்கப்பட்டாலும், தமிழ்ப்பள்ளிகளை காப்பது அனைவரின் பொறுப்பு என பிரபாகரன் வலியுறுத்தினார். 

பத்து நாடாளுமன்ற தொகுதி சார்பில் செந்தூல் அரசினர் தமிழ்ப்பள்ளிக்கு ஐம்பதாயிரம் ரிங்கிட் நிதி வழங்கப்பட்ட நிகழ்வில் கலந்து கொண்டு பேசிய அவர் அதன தெரிவித்தார்.. 

-- 

சிலாங்கூர், ஷா ஆலாமில் குழந்தை பராமரிப்பு மையம் ஒன்றில், Autism சிறுவன் ஒருவனை துன்புறுத்தியச் சம்பவம் தொடர்பில், காவல் துறை அதன் உரிமையாளரிடம் விசாரணை மேற்கொண்டு வருகிறது. 

மேலும், சமூக ஊடகங்களில் பரவலான காணொலிகளையும், CCTV காட்சிகளையும் காவல் துறை ஆய்வுச் செய்து வருகிறது. 

அச்சம்பவம் தொடர்பில், ஏற்கனவே 3 புகார்கள் உள்ள நிலையில், மேலும் 17 புகார்கள் கிடைக்கப்பெற்றுள்ளன. 

-- 

Hulu சிலாங்கூர் Bukit Tagar-ரில் , மையப்படுத்தப்பட்ட, நவீன பன்றி வளர்ப்பு திட்டத்தை ரத்து செய்து, வேறு பொருத்தமான இடத்திற்கு மாற்றுவது குறித்து பரிசீலிக்க வேண்டும் என பிரதமர் தெரிவித்துள்ளார். 

அது குறித்து மாநில மந்திரி பெசார், மற்றும் மாநில அரசுடன் கலந்து பேசவிருப்பதாகவும் அவர் கூறினார். 

-- 

சமூக ஊடக தளமான X-ன் Grok AI-க்கு விதித்த தற்காலிக தடையை நீக்கியுள்ளது மலேசிய தொடர்பு பல்லூடக ஆணையம். 

X தளம், மலேசிய சட்டங்களை பின்பற்றுவதாகவும், கூடுதல் தடுப்பு மற்றும் பாதுகாப்பு நடவடிக்கைகளைச் செயல்படுத்துவதாகவும் உத்தரவாதம் கொடுத்திருப்பதே அதற்குக் காரணம்.