← Back to list

பஹாங் வெள்ளம் நிலைமை கட்டுப்பாட்டில் உள்ளது !

Dec 18, 2025

பஹாங்கில் வெள்ளத்தால் பாதிக்கப்படுபவர்களின் எண்ணிக்கை அதிகரித்து வந்தாலும், வெள்ள நிர்வாக நடவடிக்கைகள் சீராக நடைபெற்று வருவதாக, மாநில Menteri Besar தெரிவித்துள்ளார் ! 

அங்கு நிலைமை கட்டுப்பாட்டில் இருப்பதாகவும் அவர் கூறினார். 

அம்மாநிலத்தில் வெள்ளத்தால் 11-ஆயிரத்துக்கும் மேற்பட்டோர் பாதிக்கப்பட்டுள்ளனர். 

இவ்வேளையில், திரங்கானுவில் கிட்டத்தட்ட 600 பேரும், ஜொகூரில் 350 பேரும், கிளந்தானில், 140 பேரும், PPS மையங்களில் தஞ்சம் புகுந்துள்ளனர்.  

--------   

மற்றொரு பக்கம், மலேசியர்கள், தாய்லாந்து Hatyai-க்கான பயணங்களை ஒத்திவைக்கும்படி அறிவுறுத்தப்பட்டுள்ளனர் ! 

பெருவெள்ளம் இன்னும் வடியவில்லை என்பதால், அங்குள்ள மலேசிய தூதரகம் அவ்வாறு அறிவுறுத்தியது. 

---------   

அடுத்தாண்டு 10 முக்கிய நெடுஞ்சாலைகளில் டோல் கட்டண உயர்வு இருக்காது என அரசாங்கப் பேச்சாளர் Datuk Fahmi Fadzil தெரிவித்துள்ளார் ! 

இந்த முடிவால் ஏற்படும் செலவுகளை, அரசாங்கம் ஏற்கும் என்றும், அது தொடர்பான மேலதிக விவரங்களை, பொதுப் பணித்துறை அமைச்சு விரைவில் அறிவிக்கும் என்றும் அவர் கூறினார். 

--------- 

மலாக்கா டுரியான் துங்காலில் மூவர் சுட்டுக்கொல்லப்பட்ட சம்பவம், கொலை வழக்காக மறுவகைப்படுத்தப்பட்டு விட்டதற்காக, அதில் குற்றவியல் அம்சங்கள் உள்ளன என பொருள்படாது ! 

எனவே, யூகங்களைப் பரப்பி விசாரணைக்கு இடையூறை ஏற்படுத்த வேண்டாம் என சட்டத்துறை அலுவலகம் அனைவரையும் கேட்டுக்கொண்டுள்ளது. 

---------- 

சிலாங்கூர் கிள்ளான் Taman Sentosa-வில் நிகழ்ந்த கைகலப்பில், 34 வயது ஆடவர் பாராங் கத்தியால் வெட்டிக் கொலைச் செய்யப்பட்ட சம்பவம் குறித்த தகவல் தெரிந்தவர்கள், காவல்நிலையத்தை அணுகும்படி, கேட்டுக்கொள்ளப்பட்டுள்ளனர் !