← Back to list

நாட்டில் தொடர்ச்சியான கனமழை அபாயம் !

Dec 17, 2025

நாட்டில் தொடர்ச்சியான கனமழை பெய்யும் என அபாய எச்சரிக்கை விடுக்கப்பட்டுள்ளது! 

அதில், பஹாங் மாநிலத்தைச் சேர்ந்த Kuantan, Pekan, Rompin  பகுதிகளே அதிகம் பாதிப்புறுவதாக மலேசிய வானிலை ஆய்வுத் துறை தெரிவித்துள்ளது. 

இதனிடையே, ஜொகூரில், Segamat, Kluang, Mersing, Kota Tinggi பகுதிகள் வெள்ள அபாயத்தை எதிர்கொள்ளும் என எச்சரிக்கை விடுக்கப்பட்டுள்ளது. 

இவ்வேளையில், சமூக நல துறையின் ஆக கடைசி தகவல் படி பஹாங் ஜொகூர் திரங்கானு எந 2000 -க்கும் அதிகஆனோர் பவெள்ளத்தால் பாதிக்கப்பட்டுள்ளனர். 

-- 

மலாக்காவில்,காவல் துறையால் மூவர் சுட்டுக் கொல்லப்பட்ட சம்பவத்தைக் கொலை வழக்காக வகைப்படுத்தி, விசாரணைக்கு உத்தரவிட்டுள்ளது சட்ட துறை அலுவகம். 

இறுதி முடிவுக்கு காவல்துறையின் முழுமையான விசாரணை அவசியம் என அது கூறியது. 

கடந்த நவம்பர் 24 ஆம் தேதி, நிகழ்ந்த அந்த துப்பாக்கி சுட்டு சம்பவத்தில் மூன்று ஆடவர்கள் கொல்லப்பட்டனர். 

--   

சாலை போக்குவரத்து குற்றங்களுக்கான 49 லட்ச அபராதங்கள் இன்னும் செலுத்தப்படாமல் உள்ளன!  

டிசம்பர் 31க்குப் பிறகு எந்த சலுகையும் இல்லை என்பதால், மக்கள் நிலுவையில் இருக்கும் அபராதங்களை விரைந்துச் செலுத்துமாறு JPJ கேட்டுக்கொண்டுள்ளது. 

முன்னதாக, சாலை போக்குவரத்து துறை சம்மன்களுக்கு 50% கழிவு வழங்கியது. 

--

வேப் மற்றும் மின்னியல் சிகரெட்டுகளை முழுமையாகத் தடை செய்யும்  அரசாங்கத்தின் உறுதிப்பாட்டை சுகாதார அமைச்சு மீீண்டும் உறுதிப்படுத்தியுள்ளது! 

அது குறித்த குறிப்பாணை ஒன்று அடுத்த ஆண்டு அமைச்சரவையில், தாக்கல் செய்யப்படும் என எதிர்பார்க்கப்படுகிறது. 

--

ஆஸ்திரேலியாவின் போண்டி கடற்கரையில் நிகழ்ந்த  துப்பாக்கிச் சூட்டில் பாதிக்கப்பட்ட 22 பேர் இன்னும் மருத்துவமனையில் உள்ளனர்! 

அவர்களில் ஒன்பது பேர் ஆபத்தான நிலையில் இருப்பதாக அந்நாட்டு அதிகாரிகள் தெரிவித்துள்ளனர். 

உயிர் பிழைத்த மற்றொரு குற்றவாளி மீண்டுவிட்டதாகவும், விரைவில் அவர் மீது முறையாக குற்றம் சாட்டப்படும் என தெரிவிக்கப்பட்டுள்ளது. 

துப்பாக்கி சூட்டு சம்பவத்தை நிகழ்த்திய இருவரில், தந்தை உயிரிழந்து விட்டார், மகன் உயிர் பிழைத்தான். 

--