← Back to list

ஜெல்லிமீன்கள் கொட்டும் சம்பவங்கள் அதிகமாகின்றன !

Nov 20, 2025

2022- ஆம் ஆண்டு முதல் லங்காவியில், நீச்சல் அடிப்பவர்களை ஜெல்லிமீன்கள் கொட்டிய நூற்றுக்கும் மேற்பட்ட சம்பவங்கள் பதிவு செய்யப்பட்டுள்ளன ! 

அதில் 73 சம்பவங்கள் மட்டும், கடந்தாண்டு பதிவானதாகும் என சிவில் தற்காப்புப் படை தெரிவித்துள்ளது. 

லங்காவியில் ஜெல்லிமீன் கொட்டுதல் ஒரு காலத்தில் அரிதான சம்பவமாக இருந்தது. 

ஆனால் தற்போது காலநிலை மாற்றம் காரணமாக, அச்சம்பவம் அதிகம் நிகழ்வதாக அப்படை கூறியது. 

அண்மையில் கூட, அங்கு ஜெல்லி மீன் கொட்டி, இரண்டு வயதான ரஷ்ய பையன் நேற்று உயிரிழந்த சம்பவம் ஒன்று நிகழ்ந்தது குறிப்பிடத்தக்கது. 

---------- 

அரச மலேசிய காவல் படையில், ஆட்சேர்ப்பு மற்றும் பதவி உயர்வில் இன அடிப்படையிலான கோட்டா முறை இல்லை ! 

ஆட்சேர்ப்பு பணிகள், கண்டிப்பாக தகுதியின் அடிப்படையில் மேற்கொள்ளப்படுவதாக, உள்துறை அமைச்சு தெரிவித்துள்ளது. 

கடந்த ஆகஸ்டு 31-ஆம் தேதி வரையிலான நிலவரப்படி, 1 லட்சத்து 36-ஆயிரத்துக்கும் மேற்பட்ட காவல் வீரர்களில், 7,581 பேர் பூமிபுத்ரா அல்லாதவர்கள் மட்டுமே  இருப்பதை சுட்டிக்காட்டி மக்களவையில் எழுப்பட்ட கேள்விக்கு, அமைச்சு அவ்வாறு பதிலளித்தது. 

--------- 

கடந்த நான்கு ஆண்டுகளில் 19 வயதுக்கு கீழ்பட்ட மொத்தம் 41,842 பெண்கள் தாய்மை அடைந்துள்ளதாக, மகளிர், குடும்ப, சமூக மேம்பாட்டுதுறை அமைச்சர் தெரிவித்துள்ளார் !  

அதில் 3 விழுக்காட்டினர் இந்தியர் என Datuk Seri Nancy Shukri குறிப்பிட்டார்.  

இப்பிரச்னையைக் களைய, தமதமைச்சு பல்வேறு நடவடிக்கைகளை மேற்கொண்டு வருவதாக அவர் சொன்னார். 

--------- 

2026-ஆம் ஆண்டு ஜோகூர் மாநில பட்ஜெட்டில், மாநிலத்தைச் சேர்ந்த பள்ளி மாணவர்களுக்கு, முக்கியத்துவம் அளிக்கும் வகையில் கல்விக்கு முன்னுரிமை வழங்கப்பட்டுள்ளது ! 

அடுத்தாண்டு நிதி ஒதுக்கீட்டில், கல்விக்கு மட்டும் 163 மில்லியன் ரிங்கிட் ஒதுக்கப்பட்டுள்ளதை, மாநில ஆட்சிக்குழு உறுப்பினர் சுட்டிக்காட்டினார். 

-------- 

பினாங்கில், 13-வது மலேசிய திட்டத்தின் கீழ், ஆறு புதிய அல்லது மாற்று கிளினிக்குகள் மற்றும் சுகாதார மையங்கள் அமைக்கப்படும் என மாநில சுகாதாரக் குழுத் தலைவர் தெரிவித்துள்ளார்.