← Back to list

அமைச்சரவை மாற்றம் குறித்து விவாதமில்லை !

Nov 11, 2025

இன்று நடைபெறும் சிறப்பு அமைச்சரவைக் கூட்டத்தில், அமைச்சரவை மாற்றம் குறித்து விவாதிக்கப்படாது ! 

பிரதமர் டத்தோ ஸ்ரீ அன்வார் இப்ராஹிம் அவ்வாறு தெரிவித்துள்ளார். 

சபா மாநிலம் வழங்கக்கூடிய வருவாயில் அந்த மாநிலத்திற்கு 40 விழுக்காடு திருப்பித் தரப்பட வேண்டும் என, அண்மையில் கோத்தா கினபாலு உயர் நீதிமன்றம் அளித்த தீர்ப்பு குறித்து தான் இன்று விவாதிக்கப்படும் என அவர் தெளிவுப்படுத்தினார். 

அதே வேளை, உயர் நீதிமன்றத்தின் அந்த தீர்ப்பை எதிர்த்து, கூட்டரசாங்கம் மேல்முறையீடு செய்யாது என்பதே தமது நிலைப்பாடாக உள்ளது என அவர் கூறினார். 

--------- 

லங்காவி படகு விபத்தில் உயிரிழந்தோரின் எண்ணிக்கை, 18-ஆக உயர்ந்துள்ளது !  

அதில் பலியானவர்களின் அடையாளம் , ஆவணங்கள், பிறப்பிடம் ஆகியவற்றைக் கண்டறிய, காவல்துறை செயல்பட்டு வருவதாக உள்துறை அமைச்சர் தெரிவித்துள்ளார்.   

கடந்த வார இறுதியில், மியன்மாரில் இருந்து 300 சட்டவிரோத குடியேறிகளை ஏற்றி வந்ததாக நம்பப்படும் படகு, மலேசிய கடற்பரப்பை நெருங்கும்போது மூழ்கியது.   

அதில் 13 பேர் பாதுகாப்பாக மீட்கப்பட்டுள்ளனர். 

--------- 

மற்றொரு பக்கம், மனிதக் கடத்தலால் பாதிக்கப்படும் நபர்களுக்கான பாதுகாப்பு இல்லங்களை மேலும் திறக்க, உள்துறை திட்டமிட்டுள்ளது ! 

கடத்தல் வலையிலிருந்து மீட்கப்படும் நபர்களுக்கு, போதுமான பாதுகாப்பு இல்லங்கள் மற்றும் முழுமையான பாதுகாப்பு சேவைகள் வழங்கும் அவசியத்தை, அரசாங்கம் உணர்ந்துள்ளதாக அவ்வமைச்சு கூறியது. 

---------- 

சிலாங்கூ சுபாங் ஜெயாவில், வெளிநாட்டவர்கள் பயணித்த காரை பரிசோதித்த ரோந்து அதிகாரிகளை அவமதிக்கும் விதமான, சமூக ஊடகங்களில் பரவிய இரண்டு காணொலிகள் தொடர்பில், காவல்துறை விசாரணை அறிக்கையைத் திறந்துள்ளது ! 

---------- 

இந்தியா டெல்லியில், காரொன்று வெடித்து சிதறியதில், குறைந்தது எண்மர்  கொல்லப்பட்ட வேளை, பலர் காயமடைந்துள்ளனர் ! 

அதன் தொடர்பில் இருவர் விசாரணைக்காக கைது செய்யப்பட்டுள்ளனர்.