← Back to list

நல்ல வேளை அமெரிக்காவுடன் வரி குறித்து பேசினோம் !

Nov 06, 2025

அமெரிக்காவுடன் வரி குறித்த பேச்சுவார்த்தையில் ஈடுபடாமல் இருந்திருந்தால், அமெரிக்காவுக்கு ஏற்றுமதி செய்யும் 7,700-க்கும் மேற்பட்ட மலேசிய நிறுவனங்களில் பணியாற்றும், சுமார் 1.1 மில்லியன் தொழிலாளர்களின் வேலைகள் பாதிக்கப்பட்டிருக்கும் ! 

இவ்வாண்டு ஜனவரி முதல் செப்டம்பர் வரை, மலேசியா–அமெரிக்கா இடையிலான வர்த்தகம் 270.9 பில்லியன் ரிங்கிட்டாக இருந்தது. 

இது, கடந்த ஆண்டு அதே காலகட்டத்தில் இருந்த 234.68 பில்லியன் ரிங்கிட்டுடன் ஒப்பிடும்போது 15.4 விழுக்காடு வளர்ச்சி பெற்றுள்ளதாக, முதலீடு வாணிப தொழில்துறை அமைச்சு கூறியது. 

அமெரிக்கா தனது முடிவில் இருந்த 25 விழுக்காட்டு வரியை விதித்திருந்தால், மலேசிய பொருளாதாரத்தை நேரடியாக பாதித்திருக்கும் என்பதை அவர் சுட்டிக்காட்டினார்.  

---------- 

2024 ஆம் ஆண்டில் 700-ஆக இருந்த SARA கூட்டாளர் கடைகளின் எண்ணிக்கை, இவ்வாண்டு நவம்பர் 3-ஆம் தேதி வரையிலான நிலவரப்படி, நாடு முழுவதும் 8,700-ஆக அதிகரித்துள்ளது ! 

இவ்வெண்ணிக்கை காலப்போக்கில் தொடர்ந்து அதிகரிக்கும் என எதிர்பார்க்கப்படுவதாக, நிதியமைச்சு தெரிவித்தது. 

அவை, நகர்ப்புற, கிராமப்புற தொலைதூரப் பகுதிகளில் அமைந்துள்ள பல்பொருள் அங்காடி கடைகள், மளிகைக் கடைகள், உள்ளிட்டவை உட்படுத்தியதாகும். 

-------- 

Negeri Sembilan-னில், பள்ளி மாணவர்களிடையேயான பகடிவதை, பாலியல் வன்கொடுமை உள்ளிட்ட குற்றச் சம்பவங்கள், கடந்தாண்டை விட 0.2 விழுக்காடு அதிகரித்துள்ளன ! 

ஆனாலும், அவை அனைத்தும் கட்டுப்பாட்டுக்குள் இருப்பதாக, மாநில காவல்துறை தலைவர் தெரிவித்தார். 

PDRM-மும் கல்வி அமைச்சும் இணைந்து, பள்ளி மாணவர்களின் பாதுகாப்பு மற்றும் நலனை உறுதி செய்ய நடவடிக்கை எடுத்து வருவதை, அவர் மேற்கோள்காட்டினார். 

---------- 

Putrajaya MRT சேவை மீண்டும் வழக்க நிலைக்குத் திரும்பியுள்ளது ! 

நேற்று கேபிள்களைத் திருட மூவர் ரயில் தடத்தில் அத்துமீறி நுழைந்ததால், அச்சேவை பாதிக்கப்பட்டிருந்தது. 

---------- 

Indonesia Tarakam-மில் நேற்று ஏற்பட்ட 4.8 ரிக்டர் அளவிலான நிலநடுக்கத்தின் அதிர்வுகள், சபாவின் தெற்கு பகுதிகளில் உணரப்பட்டதாக தெரிவிக்கப்பட்டுள்ளது !