← Back to list

செகாமாட் நிலநடுக்கம்; சேதம் இல்லை !

Nov 04, 2025

ஜொகூர் செகாமாட்டில் நேற்றிரவு ஏற்பட்ட வலுவற்ற நிலநடுக்கத்தால், யாருக்கும் எந்தவொரு சேதமும் ஏற்படவில்லை ! 

அப்பகுதிவாழ் மக்களின் பாதுகாப்பை உறுதிச் செய்ய, மாநில அதிகாரிகளும் சம்பந்தப்பட்ட நிறுவனங்களும், தொடர் கண்காணிப்பு நடவடிக்கைகளை மேற்கொண்டு வருகின்றன. 

நேற்றிரவு 8 மணி வாக்கில், அங்கு 2.7 ரிக்டர் அளவிலான நிலநடுக்கம் ஏற்பட்டது. 

அதன் அதிர்வுகள், செகாமாட் அருகிலுள்ள பகுதிகளிலும் உணரப்பட்டன. 

---------

இதனிடையே, ஜொகூரில் பெரும்பாலான இடங்களில் நீர் விநியோகம் வழக்க நிலைக்குத் திரும்பியுள்ளது ! 

இன்னும் சில இடங்களில் அதன் விநியோகம் இன்னும் திரும்பவில்லை என தெரிவிக்கப்பட்டுள்ளது. 

அங்கு கடந்த வெள்ளிக்கிழமை, மணல் கழுவும் குளம் உடைந்து ஆறு மாசுமாடு ஏற்பட்டதால், அட்டவனையிடப்படாத நீர் விநியோகத் தடை ஏற்பட்டது. 

---------- 

தலைநகர் Jalan Ipoh-வில் உள்ள அடுக்குமாடி குடியிருப்புப் பகுதிக்கு வெளியே பாதுகாவாலர் தாக்கப்பட்டு, சிகிச்சைக்குப் பிறகு மாரடைப்பினால் மரணமுற்ற சம்பவம், கொலையாக வகைப்படுத்தப்பட்டுள்ளது ! 

அச்சம்பவத்துக்கு தொடர்பு இருப்பதாகக் கூறப்படும் நபரிடமிருந்து துப்பாக்கி போல தோன்றும் பொருள் ஒன்று கைப்பற்றப்பட்டுள்ளது. 

பாதிக்கப்பட்டவர் , முன்பே சந்தேக நபர் மிரட்டல் விடுப்பது குறித்து காவல்துறையில் புகார் அளித்திருந்தார். 

---------

கெடாவில் வெள்ளத்தால் 45 பேர் பாதிக்கப்பட்டுள்ள நிலையில், கிளாந்தானில் 10 பேர், துயர்துடைப்பு மையத்தில் இருக்கின்றனர் ! 

---------- 

கோலாலம்பூரில் மிகவும் பிரசித்திப்பெற்ற மெர்டெக்கா 118 கோபுரம், 300 மீட்டர் மற்றும் அதற்கும் மேற்பட்ட உயரம் கொண்ட சிறந்த கட்டிடமாக, அனைத்துலக அமைப்பொன்றால் தேர்ந்தெடுக்கப்பட்டுள்ளது !