← Back to list

இன்றிரவு நெடுஞ்சாலைகளில் போக்குவரத்து நெரிசல் ஏற்படலாம் !

Oct 21, 2025

47வது ஆசியான் உச்சமாநாட்டு நிகழ்வை முன்னிட்டு, கிள்ளான் பள்ளத்தாக்கைச் சுற்றியுள்ள பொது மற்றும் தனியார் உயர்கல்வி கூடங்களுக்கும் வீட்டிலிருந்து கற்றல் கற்பித்தலை மேற்கொள்ள அனுமதி வழங்கியுள்ளது, உயர்கல்வி அமைச்சு! 

கற்றல் கற்பித்தல் முறை பாதிக்கப்படாமல் இருக்க, சாலைகள் மூடப்படும் அட்டவணைகளை, சம்மந்தப்பட்ட உயர்கல்வி கூடங்கள் முன்கூட்டியே சரிபார்த்துக் கொள்ள அறிவுறுத்தப்பட்டுள்ளது. 

மாணவர்கள் மற்றும் ஊழியர்கள் மேல்கட்ட தகல்களுக்கு, தங்கள் கல்வி கூடங்களை தொடர்பு கொள்ளலாம் என அமைச்சு   தெரிவித்துள்ளது. 

இதனிடையே,  பாதிக்கப்பட்ட சாலைகளைத் தவிர்க்கவும், உச்சமாநாட்டின் போது பொதுப் போக்குவரத்தைப் பயன்படுத்தவும், காவல்துறை பொதுமக்களை வலியுறுத்தியுள்ளது. 

அக்டோபர் 26 முதல் 28 வரை நடைபெறும் அந்நிகழ்வை முன்னிட்டு, கோலாலம்பூர், சிலாங்கூர் மற்றும் புத்ராஜெயாவை உள்ளடக்கிய, சில முக்கிய சாலைகள் மூடப்படும் அல்லது திருப்பிவிடப்படும். 

- 

இன்று பிற்பகல் மற்றும் இன்றிரவு தலைநகருக்குச் செல்லும் பல முக்கிய நெடுஞ்சாலைகளில் போக்குவரத்து நெரிசல் அதிகரிக்கும் என  மலேசிய நெடுஞ்சாலை ஆணையம், தெரிவித்துள்ளது. 

அண்மைய போக்குவரத்துத் தகவல்களுக்கு, Astro Audio Traffic அதிகாரப்பூர்வ தளத்தில் தெரிந்துக் கொள்ளலாம். 

--

கெடா பாலிங்கில் 15 வயது பள்ளி மாணவியை பாலியல் வல்லுறவுக்கு உட்படுத்திய குற்றச்சாட்டில் கைதாகிய நால்வர், அவர்கள் மீதான குற்றத்தை மறுத்துள்ளனர்.  

--

கெடா கூலிமில், தீபாவளி பட்டாசு வெடிக்கும் நடவடிக்கை  பெரும் விபத்தாக மாறிய சம்பவம் தொடர்பில், கைதாகிய இருவர் ஒரு வாரத்திற்கு  தடுப்பு காவலில் வைக்கப்ப்பட்டுள்ளனர். 

--

சிலாங்கூர், Bandar Utamaவில் 16 வயது மாணவியைக் கொன்றதாக சந்தேகிக்கப்படும் மாணவன் மீது, நாளை பெட்டாலிங் ஜெயா நீதிமன்றத்தில் கொலைக் குற்றம் சாட்டப்படும்.  

முன்னதாக, அச்சம்பவம் தொடர்பில் 148 பேரிடம் வாக்குமூலம் பதிவுச் செய்யப்பட்டதை தொடர்ந்து,  சந்தேக நபரின் தடுப்புக் காவல் அக்டோபர் 28 வரை நீட்டிக்கப்பட்டது.