← Back to list

BUDI95, பொதுமக்களின் தேவைக்கே !

Oct 03, 2025

BUDI95 விலைக் குறைப்பு சலுகை, பொதுமக்களின் தேவைக்கே; 

அது தனிநபர் பயன்பாட்டுக்கு மட்டுமே என உள்நாட்டு வாணிப மற்றும் வாழ்க்கைச் செலவீன அமைச்சு வலியுறுத்தியுள்ளது. 

எனவே, MyKad-ஐப் பயன்படுத்தி குறைந்த விலையில், RON95 ரக பெட்ரோலை வாங்குவதற்கு, தங்கள் ஊழியர்களை கட்டாயப்படுத்த வேண்டாம் என அது,  பொதுப் போக்குவரத்து நிறுவனங்களுக்கு எச்சரிக்கை விடுத்துள்ளது. 

நிறுவனங்கள் லிட்டருக்கு இரண்டு ரிங்கிட் ஐந்து சென் செலுத்தியே, RON95 ரக பெட்ரோலை பெற்றுக் கொள்ள வேண்டும் என அது, கூறியது. 

-------- 

தலைநகரில் நடத்தப்பட்ட, சிறப்பு சோதனை நடவடிக்கையின் முதல் இரண்டு நாட்களில், ஏழாயிரத்திற்கும் மேற்பட்ட போக்குவரத்து சம்மன்கள் வழங்கப்பட்டுள்ளன. 

அதில், பெரும்பாலான சம்மன்கள் போக்குவரத்துக்கு இடையூறுகளை ஏற்படுத்தியவை என KL காவல்துறை தெரிவித்துள்ளது. 

-------- 

தலைநகர், Kampung Sungai Baru-வில்,  கடந்த மாதம் ஏற்பட்ட சர்ச்சை தொடர்பாக, சட்டத்துறை அலுவலகத்தின் உத்தரவுகளுக்கு காத்திருப்பதாக காவல்துறை தெரிவித்துள்ளது. 

அச்சம்பவத்தில், Dang Wangi காவல்துறை அதிகாரி தாக்கப்பட்டதோடு,  எண்மர் கைதாகினர். 

-------- 

தலைநகரில் நாளை மற்றும் ஞாயிற்றுக்கிழமை நடைபெறவுள்ள நெடுந்தூர ஓட்டப்பந்தயம் மற்றும், Langkawi சுற்றுப்பயண சைக்கிளோட்டப் போட்டியின் நிறைவு நிகழ்வை முன்னிட்டு, சில முக்கிய சாலைகள் மூடப்பட்டு, போக்குவரத்துக்கு திருப்பிவிடப்படும் !! 

------- 

ஜொகூரில் சில பகுதிகளில், நேற்று புயல் மற்றும் பலத்த காற்று வீசியதைத் தொடர்ந்து, பொருட்சேதங்கள் தொடர்பில்,  28 புகார்கள் கிடைக்கப் பெற்றுள்ளதாக அதிகாரிகள் தெரிவித்துள்ளனர். 

------