← Back to list

இந்தியாவில் "அரட்டை" செயலி அறிமுகம் !

Oct 02, 2025

இஸ்ரேலியப் படைகளால் தடுத்து வைக்கப்பட்டுள்ள மலேசிய தன்னார்வலர்களை விடுவிக்க, நாட்டின் அதிகார்ப்பூர்வ  குழு ஒன்று ஜோர்டானுக்கு சென்றுள்ளது. 

சுமார் 23 மலேசியர்கள் தடுத்து வைக்கப்பட்டுள்ள நிலையில், அவர்களைத் தொடர்பு கொள்ளவும் முடியவில்லை. 

அதன் தொடர்பில்,  இன்று தலைநகரில், அமெரிக்க தூதரகத்திற்கு முன், அமைதி போராட்டத்தில் ஈடுபட்ட இருவர் கைது செய்யப்பட்டனர். 

-------- 

நெகிரி செம்பிலான் சிரம்பானில், பத்து வயது பள்ளி மாணவனின் மரணம் குறித்த விசாரணை, பகடிவதை  தடுப்பு சட்டங்களின் கீழ் நடைபெற்று வருவதாக, மாநில காவல் துறை தெரிவித்துள்ளது. 

முன்னதாக, பள்ளி கழிவறையில், மயங்கிய நிலையில் அம்மாணவன் கண்டெடுக்கப்பட்டான்.  

------- 

இவ்வேளையில், அச்சம்பவம் குறித்த விசாரணைக்கு, தமது தரப்பு முழு ஒத்துழைப்பு வழங்கும் என கல்வி அமைச்சு உறுதியளித்துள்ளது. 

அச்சம்பவம் தொடர்பில், பொதுமக்கள் யூகங்களை பகிர வேண்டாம் என அமைச்சு, வலியுறுத்தியுள்ளது. 

-------- 

நாட்டில் எட்டு மாநிலங்களில் உள்ள பத்து மாவட்டங்கள், புதிதாக முதியோர் மாவட்டங்களாக வகைப்படுத்தப்பட்டுள்ளன. 

சிரம்பான், குவாந்தான் மற்றும் குளுவாங், ஆகிய பகுதிகளில் 65 வயதுக்கு மேற்பட்டவர்கள் அதிகமிருப்பதாக, புள்ளிவிவரத் துறை தெரிவித்துள்ளது. 

அது, மொத்த மக்கள் தொகையில் குறைந்தது ஏழு விழுக்காட்டை காட்டுகிறது. 

-------- 

இந்தோனேசியாவில், இடிந்து விழுந்த பள்ளியின் இடிபாடுகளுக்கு அடியில் சிக்கிய யாவரும், உயிருடன் இருப்பதற்கான எந்தவொரு அறிகுறியும் இதுவரை கண்டறியப்படவில்லை ! 

அச்சம்பவத்தில், 59 பேர் காணாமல் போயிருப்பதாக, மீட்புக் குழு தெரிவித்துள்ளது. 

----- 

இந்தியாவில், Whatsapp செயலியைப் போலவே அரட்டை எனும் செயலி ஒன்று அறிமுகமாகியுள்ளது. 

அதனை,ஒரு நாளைக்கு மூன்று லட்சத்து ஐம்பதாயிரத்துக்கும் அதிகமான பயனர்கள்  பதிவிறக்கம் செய்து வருகின்றனர். 

குறுஞ்செய்தி, குரல் செய்தி, ஊடகப் பகிர்வு, காணொலி அழைப்புகள், என WhatsApp, Telegram போன்ற செயலிகளுக்கு மாற்றாக, அரட்டை  உருவாக்கப்பட்டுள்ளது. 

மேலும்,அச்செயலி Encrypted chats எனப்படும் தகவல்களை பாதுகாப்பாக பகிரும்  தொழில்நுட்பத்துடனும், தனியுரிமை பாதுகாப்புடனும் வடிவமைக்கப்பட்டுள்ளது.