← Back to list

e-hailing ஓட்டுநர்களுக்கு நற்செய்தி !

Oct 02, 2025

e-hailing ஓட்டுநர்களுக்கு நற்செய்தி கிடைத்துள்ளது ! 

ஆக்டோபர் 15-ஆம் தேதி முதல், அண்மையில் அறிவிக்கப்பட்ட மானிய விலையிலான RON95 பெட்ரோலை, முழு நேர  e-hailing ஓட்டுநர்கள் அனுபவிக்கலாம். 

அவர்கள் அதற்கு தனியாக விண்ணப்பிக்க வேண்டியதில்லை; அரசு e-hailing நிறுவனங்களுடன் நேரடியாக இணைந்து குழுவாக விண்ணப்பங்களை பரிசீலிக்கிறது.  

இதனிடையே, பதிவுசெய்யப்பட்ட படகு உரிமையாளர்களும் இதனை அனுபவிக்கலாம்.

------------- 

வெளிநாட்டு தொழிலாளர்களுக்கு, கட்டாய EPF பங்களிப்பு விதிமுறை, அக்டோபர்  மாத சம்பளத்தில் இருந்து அமல்படுத்தப்படவுள்ளதாக, ஊழியர் சேம நிதி வாரியம் தெரிவித்துள்ளது ! 

இதன்படி, முதலாளி மற்றும் தொழிலாளர் இருவரும், மாதச்சம்பளத்தின் 2 விழுக்காட்டை, EPF-க்குச் செலுத்த வேண்டும் என அறிவிக்கப்பட்டது.

-------------- 

நெகிரி செம்பிலான் சிரம்பானில், நேற்று பள்ளியொன்றில் நான்காம் ஆண்டு மாணவன், இறந்து கிடந்ததை, காவல்துறை உறுதிப்படுத்தியுள்ளது ! 

அச்சம்பவம் குறித்து முழு விசாரனை நடத்தும் பொறுப்பை, காவல்துறையிடமே விட்டுவிடுவதாக, கல்வியமைச்சர் தெரிவித்தார்.

------------- 

ஜொகூரில் இவ்வார சனிக்கிழமை நடைபெறும்  le Tour de Langkawi சைக்கிளோட்ட போட்டியின்போது, வாகனமோட்டிகள் மாற்று பாதைகளைப் பயன்படுத்தும்படி காவல்துறை கேட்டுக்கொண்டுள்ளது ! 

நண்பகல் 12 மணி முதல், மாலை மணி 6.30 வரை, சம்பந்தப்பட்ட சில சாலைகள் மூடப்பட்டிருக்கும் என அத்துறை கூறியது.

-------------- 

இந்தோனேசியாவில் பள்ளியொன்றின் கட்டிடம் இடிந்து விழுந்ததைத் தொடர்ந்து, இடிபாடுகளில் சிக்க்கியிருப்பதாக நம்பப்படும் 90-க்கும் மேற்பட்ட மாணவர்களை மீட்க, மீட்புக் குழுவினர், தீவிரமாக பணியாற்றி வருகின்றனர் !  

அச்சம்பவத்தில் இதுவரை மூன்று மாணவர்கள் இறந்துவிட்டது உறுதியாகியுள்ளது.