← Back to list

மானிய விலையிலான RON95 பெட்ரோலுக்கு வரம்பு உண்டு !

Sep 22, 2025

BUDI MADANI RON95 உதவித் தொகை திட்டத்தின் கீழ், மலேசியர்கள் பெறக்கூடிய மானிய விலையிலான RON95 பெட்ரோலுக்கு, மாதாந்திர அளவு வரம்பு உள்ளது ! 

மலேசியர்கள் இனிமேல் ஒவ்வொரு மாதமும், 300 லிட்டர் வரை மானிய விலையிலான RON95 பெட்ரோலை வாங்க முடியும். 

அந்த வரம்பை மீறிவிட்டால், 2 ரிங்கிட் 60 சென் சந்தை விலையைச் செலுத்த நேரிடும் என பிரதமர் Datuk Seri Anwar Ibrahim தெரிவித்துள்ளார். 

எனினும், E-hailing ஓட்டுநர்கள், இந்த மாதாந்திர வரம்பிலிருந்து விலக்களிக்கப்படுவர்; மேற்கட்ட விவரங்கள் பின்னர் அறிவிக்கப்படும்.   

செப்டம்பர் 30-ஆம் தேதி முதல், ஓட்டுநர் உரிமம் வைத்திருக்கும் அனைத்து மலேசியர்களும், லிட்டருக்கு 1 ரிங்கிட்  99 சென் என்ற, மானிய விலையில், அந்த பெட்ரோலை பெறலாம். 

---------

செப்டம்பர் 27 முதல் ஆக்டோபர் 26-ஆம் தேதி வரை, நாடு முழுவதும் வார இறுதி நாட்களில் சாலை போக்குவரத்து துறை முகப்புகளின் சேவை நேரம் நீட்டிக்கப்படுகிறது !  

அந்நாட்களில் காலை மணி 8.30 தொடங்கி, மாலை மணி 4.30 வரை JPJ முகப்புகள் திறந்திருக்கும்.  

---------- 

KLIA-வில் ஒரு சுற்றுலாப் பயணியிடம் 60 ரிங்கிட் என ஒப்பந்தமான கட்டணத்திற்கு பதிலாக, எண்ணூரு ரிங்கிட்டை வசூலித்த taxi ஓட்டுநர்களுக்கு எதிராக விரைவான நடவடிக்கை எடுக்கப்படும் என போக்குவரத்து அமைச்சு தெரிவித்துள்ளது ! 

-------- 

ஜொகூர், சிலாங்கூர் உட்பட சில மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது !