← Back to list

மின்னஞ்சல்கள் வழி மிரட்டப்பட்ட அரசியல்வாதிகள் !

Sep 17, 2025

அண்மையில், சில அரசியல்வாதிகளுக்கு அனுப்பப்பட்ட, மிரட்டி பணம் பறிக்கும் மின்னஞ்சல்கள் குறித்து, காவல்துறை விசாரணை நடத்தி வருகிறது ! 

இவற்றின் நோக்கம் முற்றிலும் நிதி சார்ந்ததா அல்லது அரசியல் ரீதியாக உள்நோக்கம் கொண்டதா என்பதை தீர்மானிப்பதே, கவனம் செலுத்த வேண்டிய ஒரு பகுதி என IGP தெரிவித்துள்ளார். 

இதுவரை, 10 அரசியல்வாதிகள் அந்த மிரட்டல் மின்னஞ்சல்களைப் பெற்றதாகக் கூறப்படும் நிலையில், நால்வர் மட்டுமே காவல்துறையிடம் புகாரளித்துள்ளனர்.  

கேட்ட பணத்தைத் தரா விட்டால், AI மூலம் உருவாக்கப்பட்ட ஆபாசக் காணொளிகளை வெளியிடப்போவதாக மிரட்டி, அந்த மின்னஞ்சல்கள் அனுப்பப்பட்டன. 

-------- 

புத்ராஜெயாவில் கடந்த மாதம், முன்னாள் பொருளாதார அமைச்சர் Datuk Seri Rafizi Ramli-யின் மகனை தாக்கிய மர்ம நபரின் அடையாளத்தை கண்டறிய, காவல்துறை முயற்சித்து வருகிறது!  

CCTV பதிவு கிடைத்திருந்தும்,  அது தெளிவாக இல்லாததால், தாக்குதல் நடத்திய நபரின் அடையாளம் தெரியவில்லையென அத்துறை கூறியது.  

-------- 

சபாவில் வெள்ளத்தால் பாதிக்கப்பட்டவர்களின் எண்ணிக்கை, மூவாயிரத்தைக் கடந்துள்ளது ! 

இதனிடையே, அம்மாநிலத்தில்  வெள்ளம் மற்றும் நிலச்சரிவு காரணமாக, 4 மாணவர்கள் உயிரிழந்தை அடுத்து, கல்வியமைச்சு ஆழ்ந்த அனுதாபங்களைத் தெரிவித்துக்கொண்டது. 

-------- 

மற்றொரு நிலவரத்தில், வெள்ளம் காரணமாக, அட்டவணையிடப்பட்ட மூன்று ரயில் சேவைகள் ரத்தாகியுள்ளதாக, சபா ரயில்வே துறை தெரிவித்துள்ளது !  

------- 

சபா, சரவாக்கில் இன்றிரவு 9 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது !

---------- 

ஜொகூரில், மலாயா புலி ஒன்றின் சடலத்துடன் மூன்று பேர் கைது செய்யப்பட்டதைத் தொடர்ந்து, வனவிலங்குகள் வேட்டையாடப்படுவதை முறியடிக்க, கடுமையான நடவடிக்கை எடுக்கப்படும் என மாநில அரசு தெரிவித்துள்ளது !