← Back to list

சபா மக்கள் துக்கத்தில் !

Sep 16, 2025

பல மாநிலங்களில் , இடியுடன் கூடிய கனமழை பெய்து வருவதைத் தொடர்ந்து, எந்தவொரு அவசரநிலை சம்பவத்தையும் சமாளிக்க, நாடு தழுவிய அனைத்து தீயணைப்பு மீட்பு நிலையங்களும் தயாராக உள்ளன ! 

வெள்ளம், நிலச்சரிவு உள்ளிட்ட இயற்கை பேரிடர் சம்பவங்களும் அதிலடங்கும் என BOMBA இயக்குநர் தெரிவித்துள்ளார். 

தற்போது சபாவில், 1,800-க்கும் மேற்படோர் வெள்ள நிவாரண மையங்களில் தங்க வைக்கப்பட்டுள்ளனர் ! 

அதே வேளை, சிலாங்கூரில் 118 பேரும், பேராக்கில் 115 பேரும், நெகெரி செம்பிலானில் கிட்டத்தட்ட 30 பேரும், PPS மையங்களில் தங்கியிருக்கின்றனர்.  

---------- 

இதனிடையே, சபாவில் ஏற்பட்டு வரும் வெள்ளம் மற்றும் நிலச்சரிவு சம்பவங்களை நிர்வர்த்தி செய்ய, அரசாங்க வளங்களை உடனடியாக பயன்படுத்த பிரதமர் உத்தரவிட்டுள்ளார் !  

அத்தியாவசிய சேவைகளை மீட்டெடுக்கவும், பாதிக்கப்பட்ட குடும்பங்களுக்கு உடனடி நிவாரண உதவிகளை வழங்கவும், இதுவரை மொத்தம் 21 மில்லியன் ரிங்கிட் அங்கீகரிக்கப்பட்டுள்ளதாக, Datuk Seri Anwar Ibrahim தெரிவித்தார்.  

---------- 

அதே சமயம், முவாலிமில் வெள்ளத்தால் பாதிக்கப்பட்டவர்களுக்கு பேராக் அரசாங்கம் கைகொடுக்க தயாராக உள்ளது !  

அவர்களின் சுமையைக் குறைக்கும் முடிவில் மாநில அரசு உறுதியாக இருப்பதாக, Menteri Besar, Datuk Seri Saarani Mohamad தெரிவித்துள்ளார்.  

----------- 

ஜொகூர் Tebrau நாடாளுமன்ற உறுப்பினர், தற்போது செயற்கை நுண்ணறிவு உதவியுடன் உருவாக்கப்பட்ட ஆபாசக் காணொளி தொடர்பான மிரட்டல் முயற்சியில் சிக்கியுள்ளார் !  

மின்னஞ்சல் வழியாக, அவர் தனது முகத்தைக் கொண்ட ஆபாச காணொலி ஒன்றை பெற்றதாக தெரிவிக்கப்பட்டுள்ளது.  

--------- 

பேராக்கில், வயதான மாது ஒருவர், இல்லாத கிரிப்டோகரன்சி முதலீட்டு மோசடியில் சிக்கி, 5 மில்லியன் ரிங்கிட்டுக்கும் அதிகமான பணத்தை இழந்திருக்கும் சம்பவம் குறித்து, காவல்துறை விசாரணை நடத்தி வருகிறது !