← Back to list

UPU விவகாரம்; அழுத்தம் கொடுக்க வேண்டாம் !

Sep 14, 2025

UPUOnline மூலம் பல்கலைக்கழக மாணவர் சேர்க்கை தொடர்பில் அழுத்தம் கொடுத்து வரும் செயல்களை நிறுத்திக்கொள்ளும்படி, சில தரப்பினரை உயர்கல்வி  அமைச்சு கேட்டுக்கொண்டுள்ளது ! 

மாணவர்கள் அதில் சந்திக்கும் பிரச்சனைகளை தீர்க்க, KPT அலுவலகத்தில் சிறப்பு உதவி மையம் அமைக்கப்பட்டுள்ளது. 

UPUOnline வாயிலாக மனுவிடும் மற்றும் ஆலோசனை பெறும் வசதிகளும் வழங்கப்பட்டுள்ளதாக அவ்வமைச்சு கூறியது. 

முன்னதாக, STPM-மில் மிகச் சிறந்த தேர்ச்சி பெற்றிருந்தும், மாணவர் ஒருவருக்கு, மலாயாப் பல்கலைக்கழகத்தில் கணக்கியல் பட்டப்படிப்பு கிடைக்காமல் போனது, பெரும் சர்ச்சைக்குள்ளானது. 

--------- 

இம்மாத இறுதியில் RON95 பெட்ரோல் விலை 1 ரிங்கிட் 99 சென்னாகக் குறைக்கப்படும் என பிரதமர் மீண்டும் உறுதியளித்துள்ளார் ! 

உண்மையான சந்தை விலையுடன் ஒப்பிடும்போது, குறைந்த எரிபொருள் விலையை மக்கள் அனுபவிப்பதை Madani அரசாங்கம் உறுதிச் செய்யும் என Datuk Seri Anwar Ibrahim தெரிவித்தார். 

---------  

இவ்வாண்டு தொடங்கி ஜூலை வரை, கிட்டத்தட்ட 25 மில்லியன் வெளிநாட்டு சுற்றுலாப் பயணிகள் மலேசியா வந்துள்ளனர் ! 

கடந்தாண்டு அதே காலகட்டத்தில் பதிவான 21 மில்லியன் பயணிகளை விட, இது அதிகமாகும் என சுற்றுலா, கலை, பண்பாட்டு அமைச்சர் தெரிவித்துள்ளார். 

------------  

நாட்டில் 15 முதல் 39 வயதுக்குட்பட்ட நபர்களே, போதைப்பொருளுக்கு அடிமையாகுதல், அதனை தவறாகப் பயன்படுத்துதல் போன்ற நடவடிக்கைகளில் அதிகம் ஈடுபடுகின்றனர் ! 

----------   

பேராக் சிம்பாங் பூலாயில், ஒரு காவல் வீரரை கத்தியால் குத்தி, பின்னர் துப்பாக்கியால் சுட்ட ஓர் ஆடவருடன் காரில் ஒரு பெண்ணின் சடலம் கண்டெடுக்கப்பட்ட சம்பவம் தொடர்பான விசாரணை அறிக்கை, விரைவில் அரச தரப்பு துணை தலைமை வழக்கறிஞரிடம் சமர்பிக்கப்படும் என காவல்துறை தெரிவித்துள்ளது !