← Back to list

AI செயலிகளுக்கும் உரிமமா ?

Sep 09, 2025

சில செயற்கை நுண்ணறிவு செயலிகளுக்கு உரிமம் வழங்கும் சாத்தியங்களை, மலேசிய தொடர்பு, பல்லூடக ஆணையம் தற்போது பரிசீலித்து வருகிறது ! 

இது, அந்த செயலிகள் நாட்டின் சட்டங்கள் மற்றும் விதிமுறைகளை பின்பற்றுகிறதா என்பதை உறுதி செய்ய அவசியமாவதாக, தொடர்புத்துறை அமைச்சு தெரிவித்துள்ளது. 

மேலும், AI உருவாக்கிய உள்ளடக்கங்களை சமூக ஊடகங்களில், AI உருவாக்கம் என அடையாளமிடும் நடைமுறையும், இவ்வாண்டு இறுதிக்குள் அல்லது அடுத்தாண்டு தொடக்கத்தில் கட்டாயமாக்கப்படும் என கூறப்பட்டுள்ளது. 

இம்முயற்சிகள், போலி உள்ளடக்கங்களை கட்டுப்படுத்த அரசாங்கம் மேற்கொண்டு வரும் பாதுகாப்பு நடவடிக்கைகளின் ஒரு பகுதியாகும். 

---------- 

இவ்வேளையில், செயற்கை நுண்ணறிவு அடிப்படையிலான போலி உள்ளடக்கங்களை நீக்கும் உத்தவுகளுக்கு, சில சமூக ஊடக தளங்கள் இணங்கவில்லையென தொடர்புத்துறை அமைச்ச்ய் தெரிவித்துள்ளது ! 

MCMC, இவ்வாண்டு இதுவரை 1,600-க்கும் மேற்பட்ட கோரிக்கைகளை சமர்ப்பித்துள்ளது. 

ஆனால், சுமார் 1,350 உள்ளடக்கங்கள் மட்டுமே அகற்றப்பட்டதாக, அமைச்சு கூறியது. 

போலி உள்ளடக்கங்களை அகற்றுவதில் முழுமையான ஒத்துழைப்பு இல்லாதது, அத்தளங்களின் பொறுப்பற்ற அணுகுமுறையை காட்டுவதாக அவர் சாடினார். 

-------- 

நாடு முழுவதும் நேற்று 1,800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 13 மரணங்கள் பதிவாகின ! 

------- 

2025 ஆம் ஆண்டிற்கான IMD உலக திறமை தரவரிசையில், மலேசியா எட்டு இடங்கள் முன்னேறி 25-வது இடத்தைப் பிடித்துள்ளது ! 

தென்கிழக்காசியாவிலே சிங்கப்பூருக்குப் பிறகு, இரண்டாவது உயர்ந்த தரவரிசை பெற்ற நாடாகவும் மலேசியா உள்ளது. 

---------- 

நேப்பாளத்தில், 26 சமூக ஊடகங்கள் மீதான தடை நீக்கப்பட்ட பிறகும், இளைஞர்களின் போராட்டம் தொடர்ந்து நடைபெற்று வருகிறது ! 

அப்போராட்டத்தில் குறைந்தது 19 பேர் கொல்லப்பட்டனர். 

திரிபுவன் அனைத்துலக விமான நிலையமும் மூடப்பட்டுள்ளது. 

முன்னதாக, உள்நாட்டு சட்டங்களுக்கு கட்டுப்படவில்லை என 26 சமூக ஊடக தளங்களுக்கு அந்நாட்டு அரசு தடை விதித்திருந்தது.  

எனவே, இத்தடையை நீக்கவும் ஊழலைக் கட்டுப்படுத்தவும் வலியுறுத்தி, நேபாள தலைநகர் காத்மண்டுவில் ஆயிரக்கணக்கான இளைஞர்கள், நாடாளுமன்ற கட்டடத்தை நோக்கி பேரணியாக சென்று போராட்டத்தில் ஈடுபட்டனர். 

இதனிடையெ, அங்குள்ள மலேசியர்கள் விழிப்புடன் இருக்கும்படி விஸ்மா புத்ரா கேட்டுக்கொண்டுள்ளது.