← Back to list

SARA உதவித் தொகை ரொக்கமாக வழங்கப்படாது !

Sep 04, 2025

நூறு ரிங்கிட் SARA உதவித் தொகையை ரொக்கமாக வழங்குவதில்லை என்ற தனது முடிவை அரசாங்கம் தற்காத்து பேசியுள்ளது. 

அந்த உதவித் தொகை, அத்தியாவசியமான பொருட்களுக்குதான் செலவிடப்படுகின்றன என்பதை உறுதி செய்வதே அதன் நோக்கம் என டத்தோ Fahmi Fadzil விளக்கினார். 

தற்போது Mykad-ல் வழங்கப்படும் அந்த நூறு ரிங்கிட் உதவி தொகை முறையால் சில வணிக குழுக்கள் பாதிக்கப்பட்டுள்ளதாக தெரிவித்து வருகின்றன. 

அந்த குற்றச்சாட்டுகளுக்கு மத்தியில், அதனை ஒரு இனவாத பிரச்சினையாக மாற்ற வேண்டாம் என்றும் Fahmi கோரிக்கை விடுத்துள்ளார். 

உள்ளூர் கடைகள், பூமிபுத்ரா வணிகங்கள் மற்றும் அனைத்துலக பல்பொருள் பேரங்காடிகள் உட்பட ஏழாயிரத்திற்கும் மேற்பட்ட வணிகங்கள் அத்திட்டத்தின் கீழ் வருவதையும் அரசாங்கப் பேச்சாளாரான Fahmi சுட்டிக்காட்டினார். 

------ 

SARA உதவித் திட்ட விநியோகம் தொடங்கிய நான்காவது நாளில் 117 மில்லியன் ரிங்கிட்டுக்கும் அதிகமான பரிவர்த்தனைகள் பதிவாகியுள்ளன. 

SARA அமைப்புகள் தற்போது திறம்பட செயல்பட்டு வருவதாகவும், பரிவர்த்தனைகள் கிட்டத்தட்ட 100 விழுக்காடு வெற்றி விகிதத்தை எட்டியுள்ளதாகவும் நிதி அமைச்சு தெரிவித்துள்ளது. 

------- 

மாநில ஆட்சியாளர்களை உட்படுத்திய அனைத்து பொது விழாக்களிலும் பாதுகாப்பு கூறுகளை வலுப்படுத்த, அரசாங்கம் உள்துறை அமைச்சுக்கு, உத்தரவிட்டுள்ளது 

முன்னதாக, பேராக் ஈப்போவில் மாநில அளவிலான தேசிய தின கொண்டாட்டத்தின் போது, அம்மாநில சுல்தானை பெண் ஒருவர் நெருங்க முயன்ற சம்பவம் போல் மீண்டும் நிகழாமல் இருப்பதை, அது உறுதி செய்யும் என அது விளக்கியது. 

------- 

ஜொகூர் செகாமாட் பகுதியில், இரண்டு நில அதிர்வு ஆய்வு மையங்கள் விரைவில் அமைக்கப்படும் என எதிர்பார்க்கப்படுகிறது. 

அதனை அமைப்பதற்கு ஏதுவான இடம் உள்ளிட்ட விஷயங்களை, சம்மந்தப்பட்ட  நிறுவனங்களுடன் கலந்து பேசி வருவதாக, மாவட்ட பேரிடர் மேலாண்மைக் குழு தலைவர் தெரிவித்துள்ளார். 

--------- 

இந்தோனேசியாவின் சில பகுதிகளில் அரசாங்கத்துக்கு எதிரான Pபோராட்டங்கள் தீவிரமடைந்து வரும் நிலையில், அங்கு படிக்கும் மலேசிய மாணவர்களை தாயகம் அழைத்து வரவிருப்பதாக,  உயர்கல்வி அமைச்சு  தெரிவித்துள்ளது. 

தற்போதைய நிலவரங்களைக் கண்காணிக்க, அது வெளியுறவு அமைச்சுடன் இணைந்து செயல்பட்டு வருவதாகவும் கூறியது. 

-------

தேசிய மொழியில் இயங்கும் செயற்கை நுண்ணறிவு பதிப்பு விரைவில் அறிமுகப்படுத்தப்படும்.  

தரவுத்தொகுப்பு, கணினி கட்டமைப்பு மற்றும் தரவுத்தளங்களை உள்ளடக்கிய அவ்வமைப்பில் அரசாங்கம் தீவிரமாக செயல்பட்டு வருகிறது. 

--------