← Back to list

SARA உதவிநிதி; பரிவர்த்தனை திறன் மேம்பாடு !

Sep 02, 2025

நீண்ட வார இறுதி விடுமுறையில் ஏற்பட்ட பரிவர்த்தனை தாமதங்களைத் தீர்க்க, நிதி அமைச்சு MyKasih சேவையின் பரிவர்த்தனை திறனை மேம்படுத்தியுள்ளது !

ஒரே நேரத்தில், ஐயாயிரம் பரிவர்த்தனைகளில் இருந்து, 15-ஆயிரம் பரிவர்த்தனைகள் வரை உயர்த்தப்பட்டுள்ளது ! 

SARA உதவிநிதி கடந்த ஞாயிற்றுக்கிழமை MyKad வழியாக வழங்கப்பட்டபோது, பயனர்கள் கடைகளில் நீண்ட நேரம் காத்திருக்க வேண்டிய நிலை ஏற்பட்டது. 

சிலர் பொருட்கள் வாங்கியபின், பணம் செலுத்த முடியாமல் போனதையும் அவ்வமைச்சு சுட்டிக்காட்டியது. 

இவ்வாண்டு இறுதி வரை, அத்தொகையைப் பயன்படுத்தி, தேர்ந்தெடுக்கப்பட்ட கடைகளில் பொருட்களை வாங்கிக்கொள்ளலாம். 

-------- 

ஜொகூர் செகாமாட்டில் கண்டறியப்பட்ட மண் பிளவுகள், கடந்த சில வலுவற்ற நிலநடுக்கங்களுடன் தொடர்புடையதா என்பதை உறுதியாகக் கூற முடியவில்லை என மலேசியா கனிம மற்றும் புவியியல் துறை தெரிவித்துள்ளது ! 

அந்த பிளவுகள், மண்ணின் தன்மை காரணமாக, மென்மையான மண் அடுக்குகளில் ஏற்பட்டிருக்கலாம்; கடின பாறை அடுக்குகளில் அல்ல என அத்துறை கூறியது. 

அங்கு இதுவரை 6 முறை தீவிரம் குறைந்த நிலநடுக்கங்கள் ஏற்பட்டுள்ளன.

------------ 

இந்தோனேசியாவில் நடைப்பெற்று வரும் ஆர்ப்பாட்டங்களில், மலேசிய மாணவர்கள் யாரும் பாதிக்கப்படவில்லையென உயர்கல்வி அமைச்சர் தெரிவித்துள்ளார் !

அம்மாணவர்களின் பாதுகாப்பை உறுதிச் செய்ய, தமதமைச்சு Wisma Putra-வுடன் இணைந்து அங்குள்ள நிலைமையை தொடர்ந்து கண்காணித்து வருவதாக, Datuk Seri Dr Zambry Abd Kadir தெரிவித்தார்.

-------------  

கோலாலம்பூர், கெடா, பேராக் உட்பட சில மாநிலங்களின் பெரும்பாலான பகுதிகளில், கனமழை எச்சரிக்கை விடுக்கப்பட்டுள்ளது ! 

அப்பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது. 

----------- 

2026 மலேசியா சுற்றுலா ஆண்டு திட்டத்தின் கீழ், மலேசியா, 4 கோடியே 70 லட்சம் சர்வதேச சுற்றுலாப் பயணிகளை வரவேற்கும் பெரும் இலக்கை நிர்ணயித்துள்ளது !