← Back to list

மாணவன் கீழே விழுந்த சம்பவம்; 12 பேர் கைது !

Aug 29, 2025

சிலாங்கூர் சபா பெர்னாமில், மூன்றாம் படிவ மாணவன், பள்ளி தங்கும் விடுதியின் மூன்றாவது மாடியில் இருந்து விழுந்த சம்பவம் தொடர்பில், 12 பேர் கைது செய்யப்பட்டுள்ளனர் !  

காவல்துறை விசாரணைகளுக்கு உதவ அவர்கள் கைதானதாக, மாநில Menteri Besar  Datuk Seri Amirudin Shari தெரிவித்துள்ளார்.  

அவர்களில் ஒருவருக்கும், அச்சம்பவத்துக்கும் தொடர்பிருப்பதாக நம்பப்படுகிறது.  

------- 

கோலாலம்பூர், கெடா, பேராக் உட்பட சில மாநிலங்களின் பெரும்பாலான பகுதிகளில், கனமழை எச்சரிக்கை விடுக்கப்பட்டுள்ளது ! 

அப்பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என, மலேசிய வானிலை ஆய்வு மையம் தெரிவித்துள்ளது. 

---------- 

இதனிடையே, Johor செகாமாட்டில், இன்று அதிகாலை 3.4 ரிக்டர் அளவிலான சக்தி குறைந்த நிலநடுக்கம் ஏற்பட்டதை அடுத்து, அங்குள்ள நிலைமையை Met Malaysia கண்காணித்து வருகிறது !  

---------- 

நாடு முழுவதும் நேற்று மட்டும், ஈராயிரத்துக்கும் மேற்பட்ட சாலை விபத்துகள் பதிவு செய்யப்பட்டன; அதில் 15 மரணங்கள் பதிவாகின ! 

-------- 

புதிதாக திறக்கப்பட்ட, EKVE கிழக்கு கிள்ளான் பள்ளத்தாக்கு விரைவுச் சாலையைப் பயன்படுத்துவோர், நாளை முதல் அடுத்த மாதம் 29-ஆம் தேதி வரை, ஒரு மாதத்திற்கு இலவச டோல் கட்டணத்தை அனுபவைக்கலாம் !

---------- 

தாய்லாந்தின் அரசியலமைப்பு நீதிமன்றம், பேதொங்தாம் ஷினாவாத்தை, பிரதமர் பதவியில் இருந்து நிக்கியுள்ளது ! 

கம்போடியாவின் முன்னாள் தலைவர் Hun Sen-னுடன் நடைபெற்ற சர்ச்சைக்குரிய தொலைபேசி உரையாடல் தொடர்பாக, தேசிய நலன்களுக்கு எதிராக நடந்த நெறிமுறை மீறல் குற்றச்சாட்டில், அவர் குற்றவாளியாக அறிவிக்கப்பட்டது.