← Back to list

JET விமான விபத்து, மனித காரணங்களால் ஏற்படவில்லை!

Aug 23, 2025

பஹாங், குவாந்ததானில், நிகழ்ந்த  JET விமான விபத்து, மனித காரணங்களால் ஏற்படவில்லை! 

தொடக்க கட்ட விசாரணையில், அது தெரிய வந்துள்ளதாக, ராணுவப் படை தளபதி, Tan Sri Mohd Nizam Jaffar தெரிவித்துள்ளார். 

படங்கள், காணொலிகள் போன்ற ஆதாரங்களை ஆய்வுச் செய்து பார்த்ததில், அந்த விமானம் புறப்பட்ட சிறிது நேரத்திலே, இயந்திரக் கோளாறு காரணமாக விபத்துக்குள்ளாகியிருக்கலாம் என நம்பப்படுகிறது. 

என்றாலும், புலனாய்வு வாரியத்தின் விசாரணை முடிந்த பின்னரே சம்பவத்திற்கான சரியான காரணம் உறுதிப்படுத்தப்படும். 

------ 

இதனிடையே, அவ்விமான விபத்து நடந்த இடத்திற்குச் சென்று பார்வையிட்டதோடு, சம்பவத்தில் உயிர் தப்பிய  இரண்டு ஆயுதப்படை அதிகாரிகளையும் சென்று சந்தித்துள்ளார், பஹாங் மாநில சுல்தான். 

------- 

தேசிய கொடி தவறாக காட்சிப் படுத்தப்பட்டிருந்தாலோ, அல்லது பறக்கவிடப் பட்டிருந்தாலோ, சட்டத்தை மீறி எதையும் செய்ய வேண்டாம்! 

தவறுகள் கண்டறியப்பட்டால், அதனை சரியான முறையில் திருத்தவும், அதிகாரிகளிடம் தகவல் கொடுக்கவும், தொடர்பு துறை அமச்சர் Datuk Fahmi Fadzil பொதுகமக்கள அறிவுறுத்தியுள்ளார். 

சுதந்திர மாதம் அமைதியாகவும் பெருமையுடனும் கொண்டாடப்பட வேண்டும் என்றும் அவர் வலியுறுத்தியுள்ளார். 

----- 

சட்டபூர்வமான குற்றமாக வகைப்படுத்தப்பட்டுள்ள, பகடிவதைச் சம்பவங்களை முழுமையாகத் தடுக்க, தக்க தர செயல்பாட்டு நடைமுறைகள் விரைவில் கொண்டு வரப்படும். 

அதன் தொடர்பில்,சிறப்பு கூட்டம் ஒன்றை நடத்த உள்ளதாக தொடர்புத் துறை அமைச்சர் Datuk Fahmi Fadzil தெரிவித்துள்ளார். 

ஒருகிணைந்த தக்க தர செயல்பாட்டு நடைமுறைகளை அனைத்து தரப்பினரும் புரிந்துகொள்ள வேண்டும் என்ற நோக்கத்தில் அக்கூட்டம் நடத்தபடுகிறது. 

------- 

அடுத்த மாத தொடக்கத்தில் நடைபெறும் மாநில நிர்வாகக் குழுக் கூட்டத்தில், வேப் அல்லது மின்னியல் சிகரெட் விற்பனையை முழுமையாகத்  தடை செய்வது தொடர்பான அறிக்கை ஒன்று சமர்ப்பிக்கப்படும் என  பேராக் மாநில அரசு   அறிவித்துள்ளது.