← Back to list

ஜெட் விமான விபத்து; இருவர் சீராக உள்ளனர் !

Aug 22, 2025

Hornets விமானங்களில் ஒன்று, நேற்று பஹாங் குவாந்தானில் விபத்துக்குள்ளான சம்பவத்தை விசாரிக்க, அரச மலேசிய வான் படை, விசாரணைக் குழு ஒன்றை அமைத்துள்ளது ! 

எனவே, அது தொடர்பான விசாரணைக்காக, அனைத்து Hornet விமானங்களும் தரையிறக்கப்பட்டுள்ளன. 

விசாரனையின் முடிவு வரும் வரை, அவை தேசிய தினக் கொண்டாட்டங்களில் பங்கேற்காது. 

அவ்விபத்தில், அவ்விபத்தில், விமானியும் ஆயுத அமைப்பு அதிகாரியும், சொர்ப காயங்களுடன் உயிர் தப்பினர்.  

அவ்விருவரும் இன்று காலை, மருத்துவமனையில் இருந்து வெளியேற்றப்பட்டனர். 

--------- 

கம்போடியாவில், குறிப்பாக வேலைவாய்ப்பு மோசடி கும்பலால் பாதிக்கப்பட்ட மலேசியர்களின் பாதுகாப்பும் நலனும் உறுதி செய்யும் பணியில், வெளியுறவு அமைச்சும், Phnom Penh-னில் உள்ள மலேசிய தூதரகமும் தொடர்ந்து ஈடுபட்டுள்ளன ! 

நேற்று, பாதிக்கப்பட்ட 30 மலேசியர்கள், வெற்றிகரமாக நாடு கொண்டுவரப்பட்டதாக Wisma Putra தெரிவித்தது. 

மேலும் 3 மலேசியர்கள் இன்று நாடு கொண்டுவரப்படுவர். 

---------- 

தாய்லாந்து நராத்திவாட்டில் அண்மையில் நிகழ்ந்த குண்டுவெடிப்பு தாக்குதலில் தொடர்புடைய இரண்டு சந்தேக நபர்களை தேடி கண்டுபிடிக்க, கிளாந்தான் காவல்துறை, அந்நாட்டு அதிகாரிகளுடன் இணைந்து செயல்படும் ! 

அத்தாக்குதலுக்குப் பிறகு சந்தேக நபர்கள், கிளந்தான் எல்லையைத் தாண்டிச் சென்றதாக நம்பப்படுகிறது. 

இவ்வேளையில், அந்நாட்டிற்கான அவசியமற்ற பயணங்களை ஒத்திவைக்கும்படி, மலேசியர்கள் அறிவுறுத்தப்பட்டுள்ளனர். 

---------- 

Zara Qairina மரணம் தொடர்பான விசாரனையில், நடைமுறை மீறல்கள் இருப்பது உறுதியானால், விசாரணை அதிகாரி மீது ஒழுங்கு நடவடிக்கை எடுக்கப்படும் என தேசிய காவல்படை தலைவர் Datuk Seri Mohd Khalid Ismail எச்சரித்துள்ளார் ! 

கடந்த மாதம் சபாவில் உள்ள பள்ளியொன்றின் விடுதிக்கு வெளியே, சுயநினைவற்ற நிலையில் கண்டெடுக்கப்பட்ட 13 வயது Zara, ஒரு நாள் கழித்து உயிரிழந்தார்.  

--------- 

இதனிடையே, சிலாங்கூர் சுபாங் ஜெயாவில், கல்லூரி மாணவியின் மரணம் தொடர்பில், 30 பேரிடமிருந்து வாக்குமூலம் பதிவு செய்யப்பட்டுள்ளது !  

கூடிய விரைவில், அம்மாணவியின் குடும்ப உறுப்பினர்கள், நண்பர்கள் உட்பட ஐவர், வாக்குமூலத்தை பதிவுச் செய்ய அழைக்கப்படுவர் என காவல்துறை தெரிவித்துள்ளது.