← Back to list

பிறப்பு விகிதம் குறைந்து வருகிறது !

Aug 14, 2025

மலேசியாவில் பிறப்பு விகிதம் தொடர்ந்து குறைந்து வருவதாக புள்ளிவிவரத் துறை தெரிவித்துள்ளது ! 

இந்த ஆண்டின் இரண்டாவது காலாண்டில், பிறப்பு விகிதம் 7.1 விழுக்காடு குறைந்துள்ளது. 

அக்காலகட்டத்தில், 93-ஆயிரத்துக்கும் மேற்பட்ட குழந்தைகள் மட்டுமே பிறந்துள்ளதாக அத்துறை கூறியது. 

கடந்தாண்டு அதே காலகட்டத்தில், 1 லட்சத்துக்கும் அதிகமான குழந்தைகள் பிறந்ததை அத்துறை மேற்கோள்காட்டியது. 

இதனிடையே, சிலாங்கூரில் பிறப்பு விகிதம் அதிகம் பதிவு செய்யப்பட்ட நிலையில், லபுவானில் அதன் விகிதம் மோசமாக பதிவானதாக அத்துறை சொன்னது. 

---------- 

சிலாங்கூர் காஜாங்கில் உள்ள பேரங்காடி அருகே, அபாயகரமாக வாகனத்தைச் செலுத்தி, மூன்று மோட்டார்சைக்கிள்களை மோதியதோடு, அங்குள்ளவர்களை தாக்கியதாகக் கூறப்படும் வெளிநாட்டுப் பெண், 7 நாட்களுக்குத் தடுத்து வைக்கப்பட்டுள்ளார் !  

அச்சம்பவம் தொடர்பில் 11 பேரின் வாக்குமூலங்களைக் காவல்துறை பதிவு செய்துள்ளது.   

அச்சந்தேக நபர், மன அழுத்தத்தால் பாதிக்கப்பட்டிருக்கலாம் என நம்பப்படுகிறது.  

சம்பந்தப்பட்ட 24 வயது பெண், அம்மாதிரியான செயல்களில் ஈடுபடும் காட்சிகள் அடங்கிய காணொலி ஒன்று, சமூக ஊடகங்களில் பரவியது.   

---------- 

Datuk Seri Rafizi Ramli-யின் மகன் ஆறு மாதங்களுக்கு தொடர்ந்து மருத்துவ பரிசோதனைகளுக்கு உட்படுத்தப்பட, வேண்டியிருக்கும் ! 

நேற்று நடந்த தாக்குதலில், மர்ம நபர்கள் அறியாத பொருள் ஒன்று மூலம் அவரின் மகனுக்கு ஊசி போட்டதே அதற்குக் காரணம். 

அந்த ஊசியில் ஆபத்தை விளைவிக்கும் மருத்துகள் ஏதேனும் இருந்ததா என்பதை தீர்மானிக்க, அச்சோதனை நடத்தப்பட வேண்டியிருப்பதாக, அந்த முன்னாள் பொருளாதார அமைச்சர் கூறினார். 

--------- 

Zara கைரினாவின் மரணம் தொடர்பான விசாரணையில் ஈடுபட்டுள்ள அதிகாரி மீது, உள் விசாரணை தொடங்கப்பட்டிருப்பதாக புக்கிட் அமான் தெரிவித்துள்ளது !  

அவளின் மரணம் தொடர்பிலான ஆரம்பகட்ட விசாரணையில், தர செயல்பாட்டு நடைமுறை மீறல்கள் இருந்ததை புக்கிட் அமான் நேற்று சுட்டிக்காட்டியது.  

----------  

கோலாலம்பூர், சிலாங்கூர், கெடா உட்பட சில மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது.