← Back to list

மாதாந்திர ஓய்வூதிய திட்டம் !

Aug 03, 2025

ஓய்வுப் பெற்றவர்களுக்கான மாதாந்திர ஓய்வூதியத் திட்டம் குறித்து முடிவெடுக்கும் முன், அரசாங்கம் பொதுமக்களின் கருத்துகளைப் பரிசீலிக்கும் ! 

இத்திட்டம் இன்னும் ஆரம்பக் கட்டத்தில் உள்ளது என்றும், அது குறித்து சில தரப்புகளிடமிருந்து ஆலோசனைகள் பெறப்படும் என்றும் நிதியமைச்சு தெரிவித்துள்ளது. 

இந்த திட்டம் செயல்படுத்தப்பட்டால், புதிய பங்களிப்பாளர்களுக்கு மட்டுமே பொருந்தும் எனவும் கூறி அவ்வமைச்சு தெளிவுப்படுத்தியது. 

தற்போதைய உறுப்பினர்கள், விருப்பத்தின் அடிப்படையில் மாதாந்திர பணப்பெறுமுறையை தேர்வு செய்ய அனுமதிக்கப்படுவர் என அது சொன்னது. 

இந்த திட்டத்தின் கீழ், EPF சேமிப்புகள் இரண்டு பிரிவுகளாகப் பிரிக்கப்படும்:  

முதலாவதாக நெகிழ்வான சேமிப்பு, இது, பணத்தை எப்போது வேண்டுமானாலும் எடுத்துக்கொள்ளலாம்; 

மற்றொன்று, வருமான சேமிப்பு – இந்தப் பகுதி, முழுமையாக பயன்படுத்தப்படும் வரை, உறுப்பினர்களுக்கு மாதம் மாதமாக பணமாக வழங்கப்படும்.  

---------- 

சிலாங்கூர் காஜாங்கில் உள்ள பேரங்காடி ஒன்றில், சக மாணவரை தாக்கிய சம்பவம் தொடர்பில் தடுத்து வைக்கப்பட்டிருந்த, 13 வயதுடைய 4 மாணவர்கள், காவல்துறை பிணையில் விடுவிக்கப்பட்டுள்ளனர் !  

அச்சம்பவம் தொடர்பில், அந்த நால்வர் உட்பட 9 பேரிடமிருந்து காவல்துறை வாக்குமூலம் பெற்றுள்ளது.  

--------- 

சுகாதார அமைச்சின் இலவச தட்டம்மை-ரூபெல்லா தடுப்பூசி திட்டம், நாளை முதல் அக்டோபர் 12-ஆம் தேதி வரை நடைபெறும். 

நாடளவிலான அத்திட்டம், ஆகஸ்ட் 1, 2020 முதல், இவ்வாண்டு  ஜனவரி 31-ஆம் தேதி வரை பிறந்த குழந்தைகளை இலக்காகக் கொண்டுள்ளது. 

--------- 

கெடா-வில் கூலிம், பாலிங், பண்டார் பாரு மற்றும் பஹாங்கில், தெமெர்லோ, பெக்கான், ரொம்பின் ஆகிய பகுதிகளில், முதல் நிலை வெப்ப எச்சரிக்கை விடுக்கப்பட்டுள்ளது !  

அவ்விடங்களில், தொடர்ந்து மூன்று நாட்களுக்கு, 35 முதல் 37 பாகை செல்சியசாக இருக்கும் என மலேசிய வானிலை ஆய்வு மையம் தெரிவித்துள்ளது.