← Back to list

புகைப்பிடிக்கும் பொருட்கள் விற்பனை; அரசு கடுமை !

Aug 02, 2025

2024 அக்டோபர் 1 முதல் இதுவரை, 281,381 வணிகக் கடைகள் மற்றும் நிறுவனங்கள் சோதனையிடப்பட்டுள்ளன ! 

அதில், பல்வேறு குற்றங்களுக்காக, 400-க்கும் மேற்பட்ட விசாரணை அறிக்கைகள் திறக்கப்பட்டுள்ளதாக, சுகாதார அமைச்சு தெரிவித்துள்ளது.

இந்த நடவடிக்கை, புகைபிடிக்கும் பொருட்களின் பயன்பாடு மற்றும் விற்பனை மீது, அரசாங்கம் கட்டுப்பாட்டை வலுப்படுத்தும் முயற்சியின் ஒரு பகுதியாகும்.

---------- 

இதனிடையே, வேப் மற்றும் மின் சிகிரெட்டுகளின் பயன்பாடு மற்றும் அதன் விற்பனையை, முற்றிலுமாக தடை செய்வதற்கான பொருத்தமான காலக்கெடு, அமைச்சரவையில் சமர்பிக்கப்படும் !  

அது குறித்து மேற்கட்ட நடவடிக்கை எடுக்க ஏதுவாக, சம்பந்தப்பட்ட தரப்புகளிடமிருந்து ஆலோசனைகள் பெறப்படும் என சுகாதார அமைச்சு கூறியது. 

--------- 

மற்றொரு நிலவரத்தில், இளைஞர்களிடையே ஏற்படும் சிக்கல்களைத் தடுக்கவும், அகால மரணம் ஏற்படும் அபாயத்தைக் குறைக்கவும், இளம் வயதிலேயே நீரிழிவு பரிசோதனையைத் தொடங்க வேண்டும் என அவ்வமைச்சு பரிந்துரைத்துள்ளது ! 

மலேசியாவில், ஆறு இளைஞர்களில் ஒருவர் நீரிழிவு நோயால் பாதிக்காப்பட்டுள்ளது தெரிய வந்திருப்பதை அடுத்து, அது அவ்வாறு சொன்னது. 

-------- 

மலாக்காவில், ஓரின புணர்ச்சியில் ஈடுபட்டதாகக் கூறப்படும் மூன்று ஆடவர்கள் கைதாகியுள்ளனர் ! 

--------- 

இந்தியா கெதர்நாத் யாத்திரை, கடுமையான நிலச்சரிவால் இன்னும் தற்காலிகமாக நிறுத்தப்பட்டிருக்கிறது ! 

அப்பேரிடரால், நான்காயிரத்துக்கும் மேற்பட்ட யாத்திரிகர்கள் பாதுகாப்பாக மீட்கப்பட்டுள்ள வேளை, 50 விழுக்காட்டு இடிபாடுகள் அகற்றப்பட்டுள்ளன.