← Back to list

வெளிநாட்டினருக்கு வணிக உரிமமா ?

Jul 28, 2025

வெளிநாட்டினர், உரிமம் பெற்ற வணிகங்களில், தொழிலாளர்களாகவோ அல்லது உதவியாளர்களாகவோ மட்டுமே பணிபுரிய அனுமதி உண்டு !

அதுவும் அவர்கள் அதற்குத் தகுந்த அனுமதி அட்டைகளை வைத்திருக்க வேண்டுமென வீடமைப்பு ஊராட்சித்துறை அமைச்சர் Nga Kor Ming தெரிவித்துள்ளார். 

மற்றபடி, அவர்கள், சாலையோர வியாபார உரிமம், சிறு வியாபார உரிமம் அல்லது வணிக இட உரிமங்களுக்கு விண்னப்பிக்க, தமதமைச்சு அனுமதித்ததே கிடையாது என அவர் கூறினார். 

மலேசிய வணிகர்களுக்குத் தான் அந்த விஷயத்துக்கு என்றும் முன்னுரிமை எனக் கூறி அவர் தெளிவுப்படுத்தினார். 

வணிக உரிமங்களை வைத்திருக்கும் மலேசியர்கள், விதிமுறைகளை மீறினால், தங்களுக்கு எதிராக கடும் நடவடிக்கை எடுக்கப்படுமென அவர் எச்சரித்தார். 

----------- 

வீடுகள், பொது கழிப்பறைகள், பூங்காக்கள் போன்ற வசதிகளை உட்படுத்திய முக்கிய கட்டுமானத் திட்டங்களுக்கு, விற்பனை சேவை வரி விலக்கு வழங்கப்படுகிறது ! 

இது மேம்பாட்டாளர்களின் சுமையை குறைத்து, அடித்தள திட்டங்கள் தொடர வழிவகுக்கும் என மக்களவையில் தெரிவிக்கப்பட்டுள்ளது. 

------------ 

இடைநிலைப்பள்ளி கல்வியைக் கட்டாயமாக்கும் சட்டமசோதா இன்று நாடாளுமன்றத்தில் தாக்கல் செய்யப்பட்டது.  

கட்டாய கல்வியை வலியுறுத்தும் விதமாக, 1996 கல்வி சட்டத்தின் உட்பிரிவுகளை மாற்றும் வகையில், இரண்டாம் கட்ட சட்டத்திருத்தம் கொண்டு வரப்படும் என கல்வியமைச்சு தெரிவித்துள்ளது. 

----------- 

பினாங்கில், 2 வளாகங்களில் சமூக நல்வாழ்வுத்துறை அதிகாரிகளால் மேற்கொள்ளப்பட்ட சோதனை நடவடிக்கையில், 15 மாத பெண் குழந்தை உட்பட 20 குழந்தைகள் மீட்கப்பட்டுள்ளன ! 

சோதனையின் போது, இந்தக் குழந்தைகள் அழுக்கான சூழலிலும், உணவு, ஆடை, பாதுகாப்பு ஆகிய அடிப்படை தேவைகள் இல்லாமல் அவ்வளாகங்களில் வசித்தது தெரியவந்தது. 

----------- 

நாடு முழுவதும் நேற்று மட்டும், 1,400-க்கும் மேற்பட்ட சாலை விபத்துகள் பதிவுச் செய்யப்பட்டன; அதில் 5 மரணங்கள் பதிவாகின.