← Back to list

Mahathir மீது நடவடிக்கை இல்லை !

Jul 22, 2025

பத்து பூத்தே தீவு விவகாரத்தில், முன்னாள் பிரதமர் Tun Dr Mahathir Mohamad மீது நடவடிக்கை எடுக்கப்போவதில்லையென, அமைச்சரவை முடிவுச் செய்துள்ளது ! 

அவரின் வயது காரணமாக அம்முடிவு எடுக்கப்பட்டதாக, பிரதமர் Datuk Seri Anwar Ibrahim தெரிவித்துள்ளார். 

Batu Puteh தீவு தொடர்பான நீதிமன்ற தீர்ப்பை, மீண்டும் பரிசீலிக்க வேண்டிய விண்ணப்பங்களை நிறுத்த, அமைச்சரவை மீது வலியுறுத்தியதை, கடந்தாண்டு சிறப்பு விசாரணை ஆணையம் கண்டறிந்தது. 

இதனால், மோசடி செய்ததாக குற்றம் சாட்டப்பட்டு, அவர் மீது நடவடிக்கை எடுக்கலாம் என அவ்வாணையம் பரிந்துரைத்திருந்தது.

------------- 

பொது சாலைகளுக்கு அருகில், எந்தவொரு பொழுதுபோக்கு நடவடிக்கையும், பாதுகாப்பு வழிகாட்டுதல்களைப் பின்பற்றி மேற்கொள்வது அவசியம் ! 

கோலாலம்பூர் மாநகர் மன்றம், பொதுமக்களுக்கு அவ்வாறு நினைவூட்டியுள்ளது. 

அண்மையில், KL Kepong-கில், மோட்டார்சைக்கிளோட்டி ஒருவர், பட்டம் விடும் நூலால் காயமடைந்த சம்பவம் ஒன்று நிகழ்ந்ததை அடுத்து, DBKL அவ்வாறு கூறியது. 

வாகனமோட்டிகள் மற்றும் பூங்கா பார்வையாளர்களுக்கு ஏற்படக்கூடிய ஆபத்துகள் குறித்து எச்சரிக்கை விடுக்கும் வகையில், அந்தப் பகுதியில் எச்சரிக்கை பலகைகளும் வைக்கப்பட்டுள்ளதாக, அது மேலும் சொன்னது.  

----------- 

மே 1-ஆம் தேதி முதல், கோழி முட்டைகளுக்கான உதவித் தொகை குறைக்கப்பட்டதை அடுத்து, அரசாங்கம் ஒரு மாதத்திற்கு 45 மில்லியன் ரிங்கிட்டை மிச்சப்படுத்தியுள்ளதாக மதிப்பிடப்பட்டுள்ளது ! 

ஆகஸ்டு 1-ஆம் தேதி, அவ்வுதவித்தொகை முழுமையாக நிறுத்தப்படுவதற்கு முன்பு, இந்த 3 மாத காலத்தில், 135 மில்லியன் ரிங்கிட் வரை சேமிப்பாகும் என விவசாய, உணவு உத்தரவாத அமைச்சர் தெரிவித்துள்ளார்.

------------ 

மரண தண்டனை தொடர்பான தேசிய கொள்கையை முழுமையாக ரத்து செய்ய வேண்டுமா என்பதை பரிசீலிக்க, அரசாங்கம் சிறப்பு பணிக்குழு ஒன்றை அமைத்துள்ளது !

-----------

ஆகஸ்டு 1-ஆம் தேதி முதல்,  குறைந்தபட்ச சம்பளமான 1,700 ரிங்கிட், முழுமையாக அமலுக்கு வரும் என மனிதவள அமைச்சு தெரிவித்துள்ளது !