← Back to list

புண்படுத்தும் விதமான கருத்து; MCMC விசாரணை !

Jul 19, 2025

தலைமை நீதிபதி நியமனம் தொடர்பில், புண்படுத்தும் விதமாக Instagram-மில் கருத்து வெளியிட்டதாக சந்தேகிக்கப்படும் நபரை, மலேசிய தொடர்பு பல்லூடக ஆணையம் விசாரிக்கிறது ! 

விசாரணைக்காக சம்பந்தப்பட்ட நபரின் தொலைப்பேசியும், சிம் கார்டும் பறிமுதல் செய்யப்பட்டன. 

அவரிடமிருந்து நேற்று Petaling Jaya காவல்துறை வாக்குமூலம் பெற்றது. 

நாட்டின் அமைதியை சீர்குலைக்கும் வகையில் நடந்துகொள்பவர்கள் மீது கடும் நடவடிக்கை பாயும் என MCMC எச்சரித்தது.

----------- 

சிலாங்கூர் Bangi-யில் , இரண்டு சிறுவர்கள் சாலையோரத்தில் கைவிடப்பட்ட நிலையில் கண்டெடுக்கப்பட்ட சம்பவம் தொடர்பில், குழந்தை பராமரிப்பாளர் உட்பட, ஐவரின் வாக்குமூலங்கள் பதிவு செய்யப்பட்டுள்ளன ! 

அதன் தொடர்பான விசாரணை அறிக்கையை, காவல்துறை தயாரித்து வருகிறது. 

சம்பந்தப்பட்ட குழந்தை பராமரிப்பாளர், வீட்டில் உறங்கிக்கொண்டிருந்த போது, அவ்விருவரும் வெளியே சென்றதாக, முன்னதாக தெரிவிக்கப்பட்டிருந்தது.

----------- 

ஜொகூர் முவாரில், கடந்த திங்கட்கிழமை ஆற்றொன்றில் காரொன்று விழுந்து காணாமல் போனதாகக் கூறப்படும் ஆடவர் ஒருவரைத் தேடும் பணிகள், நிறுத்தப்பட்டுள்ளன ! 

அவரை கண்டுபிடிக்க முடியாமல் போனதே அதற்குக் காரணமென காவல்துறை தெரிவித்துள்ளது.

---------- 

சிலாங்கூரில் இரண்டு இடங்களில் மேற்கொள்ளப்பட்ட சோதனையில், விபச்சார தொழிலில்  ஈடுபட்டு வந்ததாக நம்பப்படும், 3 உள்நாட்டினர் உட்பட 21 பேர் கைது செய்யப்பட்டுள்ளனர் !

---------- 

ஜொகூர் பாசிர் கூடாங்கில், இரட்டை லாபம் தருவதாகக் கூறி, Whatsapp-பில் வந்த போலி முதலீட்டு திட்டத்தை நம்பி, நபர் ஒருவர் 2 லட்சத்து 62-ஆயிரம் ரிங்கிட்டுக்கும் மேற்பட்ட பணத்தை பறிகொடுத்துள்ளார் !