← Back to list

கோழி முட்டைகள் குறித்து கவலை வேண்டாம்!

Jul 15, 2025

சந்தையில் கோழி முட்டைகளின் கையிருப்பு குறித்து கவலைப்படத் தேவையில்லை! 

அதன் விநியோகம், நிலையானதாகவும் மக்களின் தேவைகளைப் பூர்த்தி செய்ய போதுமானதாகவும் உள்ளதாக விவசாய மற்றும் உணவுப் பாதுகாப்பு அமைச்சு உத்தரவாதம் அளித்துள்ளது. 

முட்டைக்கான உதவித் தொகை ஐந்து சென் குறைக்கப்பட்டிருந்தாலும், கையிருப்பில் எந்த பாதிப்பும் இல்லை என அவ்வமைச்சு மேலும் சொன்னது. 

கோழி முட்டைக்கான விலை கட்டுப்பாடு நீக்கப்பட்டு, அதற்கான உதவித் தொகை பத்து சென்னிலிருந்து ஐந்து சென்னுக்குக் குறைக்கப்படுவதாக அரசாங்கம் அறிவித்திருந்தது. 

ஆகஸ்ட் 1 ஆம் தேதி உதவித் தொகை முழுமையாக நிறுத்தப்படும். 

------ 

இனி, நாடாளுமன்றம் சுயேட்சை அமைப்பாக செயல்படும்! 

அதற்கான  அதிகாரப்பூர்வ தேதியை பிரதமர் துறை அமைச்சு விரைவில் அறிவிக்கும்.. 

2025 நாடாளுமன்ற சேவைகள் சட்டத்திற்கு மாட்சிமை தாங்கிய மாமன்னர் ஒப்புதல் அளித்துள்ளதை அடுத்து,  மக்களவை சபாநாயகர் அதனை  தெரிவித்துள்ளார். 

-------- 

உள்நாட்டு வருமான வரி வாரியத்தின் மின்னியல் பணமாற்ற அமைப்பு வரும் 17 முதல் 21ஆம் தேதி வரை மேம்படுத்தும் பணிகளுக்காக தற்காலிகமாக மூடப்படும் என LHDN தெரிவித்துள்ளது. 

-------- 

முன்னாள் பிரதமர் துன் டாக்டர் மகாதீர்,  தாம் நலமுடன் இருப்பதாகவும், வழக்கமான நடவடிக்கைகளில் மீண்டும் ஈடுபட தயாராக உள்ளதாகவும் தெரிவித்துள்ளார். 

முன்னதாக, அவர்  சோர்வு காரணமாக தேசிய இருதய கழகம் (IJN)-ல் அனுமதிக்கப்பட்டார். 

------- 

இந்தியாவின் அனைத்து விமான நிறுவனங்களுக்கும், விமானங்களில் இருக்கும் எரிபொருள் கட்டுப்பாட்டு விசைகளை ஆய்வு செய்ய உத்தரவிட்டுள்ளது, அந்நாட்டின் விமானப் போக்குவரத்து ஒழுங்குமுறை ஆணையம். 

முன்னதாக, அமெதாபாத்தில் நடந்த ஏர் இந்தியா விபத்தில், அவ்விசைகள் அணைக்கப்பட்டிருந்தது ஆய்வில் தெரிய வந்துள்ளதை அடுத்து அது அவ்வாறு சொன்னது. 

------ 

50 நாட்களுக்குள் Ukraine உடனான போரை முடிவுக்குக் கொண்டுவராவிட்டால், ரஷ்யா மீது கடுமையான வரி  விதிக்கப்படும் என  அச்சுறுத்தியுள்ளார், அமெரிக்க அதிபர் Donald Trumph.