← Back to list

மாணவி கொலை; மூவர் தடுப்பு !

Jun 27, 2025

சிலாங்கூர் சைபர்ஜாயாவில், பல்கலைக்கழக மாணவி கொலை செய்யப்பட்ட சம்பவம் தொடர்பில் கைதான மூவர் 7 நாட்களுக்குத் தடுத்து வைக்கப்படுகின்றனர். 

அச்சம்பவம் குறித்து புகாரளிக்கப்பட்டு, 48-டே மணி நேரத்தில் அச்சந்தேக நபர்கள் கைது செய்யப்பட்டனர். 

அம்மூவரும், Johor மற்றும் Negeri Sembilan-னில் கைதாகினர். 

19-திலிருந்து 20 வயதுடைய அவர்கள், பாதிக்கப்பட்ட மாணவிக்கு தெரிந்தவர்கள் என நம்பப்படுகிறது. 

முன்னதாக, மாண்ட அந்த 20 வயது பெண் கற்பழிக்கப்பட்டதாக வெளியான தகவல்களை காவல்துறை மறுத்திருந்தது. 

தலையில் ஏற்பட்ட பலத்த காயமே, அவரது மரணத்திற்கான காரணம் என பிரேத பரிசோதனையின் மூலம் தெரிய வந்தது. 

கடந்த செவ்வாய்கிழமை, சைபர்ஜாயா பல்கலைக்கழகத்தால் வழங்கப்பட்டிருக்கும், குடியிருப்புப் பகுதியில் அந்த 20 வயது மாணவி கொல்லப்பட்ட நிலையில் கண்டெடுக்கப்பட்டார்.   

----------

இதனிடையே, அந்த கொலை சம்பவம் தொடர்பில் சென்று கொண்டிருக்கும் காவல்துறை விசாரணைக்கு, தனது நிர்வாகம் முழு ஒத்துழைப்பு கொடுக்கும் என Cyberjaya பல்கலைக்கழகம் உறுதியளித்துள்ளது. 

மாணவர்களின் பாதுகாப்பையும் உறுதிச் செய்ய,பாதுகாப்பு நிபுணர்களுடன் தமது நிர்வாகம் நெருக்கமாக பணியாற்றி வருவதாக, அப்பல்கலைக்கழகம் தெரிவித்தது.  

--------- 

Datuk Seri Rafizi Ramli-க்கு பதிலாக, இரண்டாவது நிதியமைச்சர் Datuk Seri Amir Hamzah Azizan, பொருளாதார அமைச்சின் பொறுப்பையும் ஏற்கிறார் ! 

அடுத்த மாத இறுதியில் நாடாளுமன்றத்தில் தாக்கல் செய்யப்பட உள்ள, 13வது மலேசியா திட்டத்தை இறுதி செய்வதில், அவர் கவனம் செலுத்துவார் என அரசாங்க தலைமை செயலாளர் தெரிவித்துள்ளார். 

---------- 

தேசிய மோசடி பதில் மையத்தின் சேவைகள், 24 மணி நேரமாக நீட்டிக்கப்படும் என்றும், அதன் நோக்கம் அனைத்து வகையான இணைய குற்றங்களையும் கையாளும் வகையில் விரிவுபடுத்தப்படும் என்றும் பிரதமர் தெரிவித்துள்ளார். 

--------- 

Terengganu MARA இளநிலை அறிவியல் கல்லூரியில், இரண்டாம் படிவ மாணவனை காயமடைய அளவுக்கு பகடிவதை செய்ததாகக் கண்டறியப்பட்ட ஆறு மாணவர்களை, அக்கல்லூரியிலுருந்து வெளியேற்ற உத்தரவிடப்பட்டுள்ளது.

--------- 

அண்மையில், இந்தியா அமெதாபாத்தில் விபத்துக்குள்ளான ஏர் இந்திய விமானத்தின் கருப்புப் பெட்டி தரவுகள் மீட்கப்பட்டுள்ளதாக, அந்நாட்டு அரசாங்கம் தெரிவித்துள்ளது. 

அவ்விபத்தின் போது, அந்த விமானத்தில் இருந்த 242 பேரில் ஒருவர் மட்டுமே உயிர் பிழைத்த வேளை, மற்ற அனைவரும் உயிரிழந்தனர்.