← Back to list

மாணவி கொல்லப்பட்ட சம்பவம் !

Jun 26, 2025

சிலாங்கூர் Cyberjaya-வில் பல்கலைக்கழக மாணவி கொல்லப்பட்ட சம்பவம் தொடர்பான முழு விசாரணை அறிக்கைக்காக உயர்கல்வி அமைச்சு காத்திருக்கிறது ! 

விசாரணைக்கு வழிவிட ஏதுவாக, அதன் தொடர்பில் ஊகங்களைப் பரப்ப வேண்டாம் என அவ்வமைச்சு பொதுமக்களைக் கேட்டுக்கொண்டுள்ளது. 

அனைத்து பொது மற்றும் தனியார் உயர்கல்வி கூடங்களும், தங்களின் தரசெயல்பாட்டு நடைமுறைகளைக் கண்டிப்பாகக் பின்பற்ற வேண்டும் என அமைச்சு கூறியது. 

மாணவர்களின் பாதுகாப்பை உறுதிச் செய்ய அது அவசியமாவதாக அது சொன்னது. 

20 வயது அவ்விளம் பெண், பல்கலைக்கழகம் ஒன்றால் வழங்கப்பட்டிருக்கும் குடியிருப்புப் பகுதியில், சடலமாகக் கண்டெடுக்கப்பட்டார்.

---------- 

இதனிடையே, அந்த பெண் கொலை செய்யப்பட்ட சம்பவம் தொடர்பில், சந்தேக நபரை கண்டுபிடிக்க ஏதுவாக, காவல்துறை CCTV கேமரா காட்சிகளைப் பெற்றுள்ளது !  

சம்பவம் நிகழ்ந்த இடத்திற்கு அருகிலுள்ள பல இடங்களில் பொருத்தப்பட்டிருந்த CCTV கேமராக்களின் காட்சிகள் பெறப்பட்டுள்ளதாக அத்துறை கூறியது.  

இதனிடையே, அந்த பெண் பாலியல் பலாத்காரம் செய்யப்படவில்லை; தலையில் ஏற்பட்ட பலத்த காயமே, அவரது மரணத்திற்கான காரணம் என அத்துறை சொன்னது. 

--------- 

இறக்குமதி செய்யப்படும் ஆப்பிள், ஆரஞ்சு பழங்களுக்கு விரிவுப்படுத்தப்பட்ட விற்பனை சேவை வரி விதிக்கப்படாது !  

அத்தியாவசியப் பொருட்களுக்கான SST விகிதத்தில் மாற்றமில்லை; அத்தியாவசியமற்ற அல்லது அதிக விருப்ப அடிப்படையில் வாங்கப்படும் பொருட்களுக்கு 5 அல்லது 10 விழுக்காட்டு விகிதம் விதிக்கப்படும்.  

விரிவுப்படுத்தப்பட்ட SST, அடுத்த வார செவ்வாய்கிழமை முதல் அமலுக்கு வருகிறது.  

-------- 

பொதுப்போக்குவரத்துக்குப் பயன்படுதப்படும் MY50 பாஸை, ஜூலை 1 முதல், TOUCH & GO e-wallet மூலம் புதுப்பித்து கொள்ளலாம்.   

நடப்பில், அந்த பாஸை அனைத்து RAPID KL முகப்பிடங்களிலும் பொது போக்குவரத்து பயனர்கள் புதுப்பித்து வருவதால், அங்கு கூட்ட நெரிசல் ஏற்படுவதை, போக்குவரத்து அமைச்சு சுட்டிக்காட்டியது. 

--------- 

கோலாலம்பூர், கெடா, பினாங்கு உட்பட, சில மாநிலங்களின் பெரும்பாலான பகுதிகளில், இன்றிரவு 7 மணி வரை இடியுடன் கூடிய கனமழை பெய்யலாம் என மலேசிய வானிலை ஆய்வு மையம் தெரிவித்துள்ளது.