← Back to list

Putra Heights தீ விபத்து; தொழில்நுட்ப அறிக்கை விரைவில் !

Jun 03, 2025

சிலாங்கூர், Putra Heights எரிவாயு குழாய் தீ விபத்து தொடர்பான, முழு தொழில்நுட்ப அறிக்கை, இம்மாதம் 26-ஆம் தேதிக்குள் தயாராகும் என எதிர்பார்க்கப்படுகிறது ! 

மண் இயக்கம், குழாய் சேதம் மற்றும் வெளிப்புற காரணிகள் குறித்து அவ்வறிக்கையில் ஆய்வு செய்யப்படும் என மாநில Menteri Besar தெரிவித்துள்ளார். 

பின்னர் அந்த அறிக்கை PDRM-இன் குற்றவியல் விசாரணையுடன் இணைக்கப்படும். 

நோன்புப் பெருநாள் இரண்டாவது நாளில் நடந்த அவ்விபத்தில், 81 வீடுகள் முற்றிலுமாக சேதமடைந்தன. 

-------- 

இதனிடையே, சிலாங்கூரில் வேப் விற்பனைக்குத் தடை விதிப்பது குறித்து முடிவெடுக்க, மாநில அரசாங்கம் பல தரப்பினரின் ஆலோசனைக்காக காத்திருக்கிறது.

முன்னதாக, கெடா, பெர்லிஸ், திரங்கானு, வேப் விற்பனைக்கு தடை விதிப்பதாக அறிவித்திருந்தன. 

-------- 

இந்திய மகளிர் தொழில்முனைவோருக்கான PENN திட்டதுக்கு, அரசாங்கம் கூடுதல் 50 மில்லியன் ரிங்கிட்டை ஒதுக்கியுள்ளது !  

அத்திட்டதுக்கு முன்னதாக 50 மில்லியன் ரிங்கிட் ஒதுக்கப்படிருந்த நிலையில், இந்திய பெண்களின் தேவையைப் பொறுத்து, மேலும் 50 மில்லியன் ரிங்கிட் ஒதுக்கப்பட்டிருப்பதாக, தொழில்முனைவோர் மேம்பாடு மற்றும் கூட்டுறவுத் துறை துணை அமைச்சர் Datuk Seri R. Ramanan தெரிவித்துள்ளார்.  

-------- 

Datin Seri Pamela Ling காணாமல் போன சம்பவம் தொடர்பில், அவரது கனவர், பிள்ளைகள் உட்பட, காவல்துறை 49 பேரிடமிருந்து வாக்குமூலம் பெற்றுள்ளது. 

ஏப்ரல் மாத தொடக்கத்தில், MACC தலைமையகத்திற்குச் சென்று கொண்டிருந்த போது கடத்தப்பட்டதாகக் கூறப்படும் அவர், இன்னும் கண்டுபிடிக்கப்படவில்லை. 

--------- 

KL மெர்டேக்கா சதுக்கத்தில், கைகலப்பில் ஈடுபட்டதாகக் கூறப்படும் ஐவர் விசாரணைக்காக தடுத்து வைக்கப்பட்டுள்ளனர் ! 

அதன் தொடர்பான காட்சிகள் அடங்கிய காணொலி, முன்னதாக சமூக ஊடகங்களில் பரவலானது.